ZAcursus Paleo2 – Oude viswijven 1615

An Burgmeesteren Schepenen ende Raedt vander Vere Supplierende verthooghen in alder oidtmoet vrauwe Janssen huusvrauwe van Jacob ariaenssen Jaepken hieronijmus, Maijken koene, Ariana Franssdochter, Soetken Jansdochter, Lijsbeth Sijmoensszoon ende Commer ariaensdochter, alle vischwijven deser stede, hoe dat de supplianten altijt tsamen onder een communie ende ghemeen saemhede hebben ghehandelt Int exercitie van tvischcoopen ende wedercoopen van dijen daer inne ghepartagiert hebben onderlinghe zo wel de oude vischwijven als de jonghe, hoewel datter eenijghe vande vischwijven zijn die nijet clijmmen en konnen de Schepen (ancommende met visch) uuijt ende in om te coopene, daer uuijte de visschers alhier wonende zouden, veroorsaeckt zijn gheweest, zo de supplianten verstaen,) dat zij an ulieden Eerwaerde zouden requeste hebben ghepresenteert, daer bij zij zouden versoecken dat de drije oude vischwijven excederende LXX zo LXXX jaren, zouden ghescheeden zijn van de andere uuijt haerlieder Societeijt, ende dat de andere vier vischwijven die noch wel konnen clijmmen zouden worden gheprefereert ende alleene de handelinghe van t vischcoopen exerceren ende dandere secluderen, Twelcke de supplianten dunct onder correctie te strijdene teghens de eerbaerheijt ende lieffde van zijnen naesten, int regardt vande voornoemde oude vrauwen, dewelcke indien zij ghesecludeert werden gheen middele zouden hebben om leven, Bidden daeromme de supplianten tordonnerene dat de voornoemde visschers zullen lijden dat de voornoemde supplianten zullen alle metten anderen moghen continueren in haerlieder societijt ende ghemeensaemhede int coopen ende vercoopen van de voornoemde Visch alzoo zijlieden tot noch toe ghedaen hebben twelck doende