Moeder overste wil geld zien

Convent der arme clarissen tot Boxtel Alsoo Jacop soene Adriaens Jacops hadde getransporteert aen Dircken van Kessell Secretaris der Stad Shertogen- bossche een stuck ackerlants gelegen onder Esch, vrij van alle commeren ende Lasten ende sonder eenige calanie, ende datmen daer nae bevonde tselve stuck lants belast te zijn mit vijff gulden thien stuijvers jaerlijcx aen Robbrecht Reijnders vanden berckenbos, ende dat oijck Mariken dochtere Adriaens Jacops worddende conventualinne des convents van de Armen Clarissen haere filiale partte inde achter gelaeten goederen desselfs Adriaens haers vaders inden voorschreven convente mede hadde ingebrocht tot wijens behoeff oijck t'voorschrevenstuck ackerlants aen Dircken van Kessell getransporteert, was ingecost, ende dattet geschapen was dat t'voorschreven convent nijet sonder procedure ende groote oncosten ende quellinge en soude connen geraecken tot de goetdoeninghe vande voorschreven verswegen rente behalvens dat de kijnderen des voorschreven Adriaens mede sustinerende geen behoorlijcke deijlinghe gemaeckt te hebben, maer daer toe wilden procederen, dwelck oijck den voorschrevenconvente ongelegen was te staen ende te verwachten, Ende om allen tzelve voorbij te gaen, Soo iest dat die vanden voorschreven convente zijn overcommen ende veraccordeert mit Willemen, Lenaerden ende Peeteren gebroederen, ende Herbertae henne sustere alle kijnderen Adriaens Jacops voorschreven, soo voer hen selven, als mit den voors. Willemen ende Jannen Goossens als momboiren over de kijnderen Jan Michielssen verweckt bij Miesken dochtere Adriaens Jacops voorschreven, midtsgaders mit den selven Willemen ende Jacop Jorissen als momboiren over de kijnderen des voorschreven Jacops soene Adriaens Jacops voorschreven ende dat inne wegen ende manieren hier nae volgende, Te wetene dat de voorschreven kijnderen Adriaens Jacops aen d’Eerwaarde Moeder Abdisse tot behoeff des voorschreven Convents sullen betaelen de somme van drijehondert ende vijftich Carolus gulden tot twintich stuijvers goets gancbaers gelts elcken gulden gereeckent op nieuwe jaersdach toecoemende alsmen schrijven sall Sestienhondert vijffendertich, Ende dat daertegens alsdan dije vanden voorschreven convente neffens de voorschreven