Lekenbroeders in het klooster

Van onse leke Broeders de tercio ordine Broder Sijmon van udersem Dese Broeder heeft hier int Convent int eerste fundatie gheweest ende heeft veel armoeden gheleden Ende hi is ghesturven int jaer ons heren Dusent vierhondert ende xliiii Ende had hier ghewoent xii jaer Broeder manthijs van vossenbroeck Dese goede broeder heeft dat convent ghegheven al dat gheen dat hi was besittende ende ghebrukende Ende is ghesturven int jaer ons heren Dusent vierhondert ende xlvii Ende hi had hier ghe- woent drie jaren in als Broeder gherijt van monikedam Dese goede broeder was een ghehoersam broeder ende is ghesturven mit sijn pater heer zijboldus an die pestilencie siecte Int jaer ons heren Dusent vierhondert ende een ende vijftich Ende hi had hier ghewoent vier jaer Broeder Sijmon janszoon van overleeck Dese goede broeder heeft in sijn joncheit te cloester ghecomen int eerste beghinne ende was jan pieterszoon soen van cleijn overleeck Ende jan pieterszoon gaf onse convent mit sijmon janszoon voerszegd die anderde acker van die dijccamp an die westsijde van dat koehuus Ende hi is ghesturven int Jaer ons heren m cccc lvi Nae dien dat hi hier ghewoent had xx jaer Dese vier broeders waren ghesturven eer dat dit convent verwandelt werde van der derder oerde tot in der oerden van Cistercien Ende hier nae staen gescreven die namen der leecker broeders die haer steme ende tconvent over gaven in die handen des prioers van Wermont, broeder willem Broeder Aernt Stevenssoen van leijden Dese goede broeder was al sijn leven dat hi bi ons ghewoent heeft een enichvou- dich manne hi dede sijn hantwerck neerstelic want hi was een wever toe hi hier quam Ende hi had langhe tijt grote siecte ende passie in sijn bienen ende hi toech te leijden te meesteren ende hi creeck een grote siecte waar an dat hi te leijen ghe- sturven is ende te Wermont in onse convent begraven int jaer ons heren m cccc lxx viiii Ende hi had hier ghewoent xxviii jaer Broeder Jacop janssoen van graft Dese goede broeder was een sterc arbeits man in sijn joncheit maijen viscken Backen ende ander veel arbeijden die hi neerstekke ghedaen heeft tot dat hi een oudman was Ende hi is ghesturven int jaer ons heren m cccc ende lxxxiii sdaechs nae onser liever vrouwen ontfanghenis Ende hi had hier ghewoent liiii jaer