UUcursus Paleo: Maria Wouters veroordeeld voor toverij

Anno XVc des manendaichs opten XVIII augusti Alzoe Maria Wouters wedue van Hilhorst buyten Wittevrouwen- poert bij Utrecht over lange jaeren befaemt is geweest dat se toeveren konde wair op die schout van keyserlijcke majesteits wegen hem geim- formeert heeft welke informatie bij tgerecht gesien we- sende heeft hij se doen apprehendeeren ende daer na doen exa- mineeren in presentie van borgermeysteren ende scepenen aldaer zij zonder eenige pyne buyten banden van ysere beleden ende bekent heeft dat se toeveren konde ende over lange jaeren ende tijde menichwerff gedaen hadde. Te wetenen onder meer inden yersten an Cornelis Henrycssone hoer buerman dien zij zijn koeyen tvot genomen peerden ende koeyen doet getoevert ende hem zelven te bedde ende ter doet toe getoevert hadde. Item Jan Ottenssone die wageman buyten Tollestege een peert doet getoevert. Ende Joost van Rijn zekere verckenen oick doet getoevert hadde. Ende daer en boven meer andere lelicke oncriste- licke ende onmenselycke wercken ende saecken geperpetreert te hebben die men nyet en behoert te nomen. Twelck al gesciet wesende heeft se hoer ongetwijfelt overgegeven den bosen vyant den duivel van der hellen die welcke hoer nae dattet tgerecht van hoer gescheyden was den hals gebroicken heeft, als dat den gerechte genoech ken- lijcken is ende gebleken heeft. Wairomme borgermeystere ende scepenen des van den schout van keyserlijcke majesteits wegen vermaent wesende gewesen hebben ende wijsen mits desen voer recht dat men dat doede lichaem sleypen sel op een horde optie Noede ende werpent opt vuer ende verbernent tot asse. Reserverende mits desen dactie die dofficier van skeysers wegen op hoeren goeden pretendeert thebben tot verclaringe vanden gerechte