HUAcursus Tekst 9f

Edele hoochgeleerde wijse voorsienighe seer discreete heeren Marrigen Dircx onse medepoorterse huijsvrouwe van Jan Cornelisz Cabbeliau die hem tegenwoordich onthoudende is aldaer heeft ons seer claechlicken te kennen gegeven hoe dat den selven Jan Cornelisz haer man van haer gegaen is geleden ontrent vierdalff jaer ende tsedert die tijdt tot noch toe van haer ghebleven ende als hij van haer scheijde soo liet hij haer belast met een kindt ende noch met een kindt begort, twelck sij ter werelt brochte een halff jaer daer nae ende als sij inde craem lach soo sondt hij haer een daelder aen gelt met een paeschbroot ende een brieff daer bij, Die inhielt dat hij verblijdt was van hare verlossinge ende dat sij nu voort dencken mochte dat sij wedue was ende tsedert die tijdt en heeft hij haer noeijt ijet meer gesonden noch nae haer getaelt. Ende alsoo haer beswaerlicken valt deur de werldt te comen mitte belastinge van een kindt (alsoo het tweede gesturven is) ende dat sij de craemcosten ende d’opvoedinge van de twee kinderen heeft moeten dragen alleen ende sonder mans winst twelck haer in groote benaeudtheijdt gebrocht heeft ende dat sij mittet ander kindt noch beswaert blijft, Soo versochte sij onse voorschrijvens aen U Edele ten eijnde de selve gelieven soude den voorschreven Jan Cornelisz haer man voor uwer Edele te ontbieden