HUAcursus Tekst 8d

Den 23en mey 1618.Seigneur David du Tour, lieutenant  van capiteyn Uitenvall.Seyt dat hij op woensdach verleden, zijnde tot Leyden ten huyse van een Fransche predicant gelogeert,  Nere genaempt, des nachts omtrent één ure, als hij getuyge lach en sliep op zijn bedde, ende wacker geworden zijnde ende noch geheell slaeperich wesende, yet hoorden ende vraegende wie in zijn camer was, hem niemandt antwoordt  gaff ende dat hij getuyge daernae weder  yet hoorende rammelen, in effecte off daer een kist[e] off een veynster toe in 't sloth vallende was, hij op zijn zijde is gaen leggen[de] om te hooren wat het mochte wesen, ende hoorende  weder yet rammelen in den hoff, hij getuyge daerover metter haest in zijn hemdt opgestaen  is, naedien hij getast had nae zijn rappier, dat hij nyet vyndende was, ende siende doort veynster, dat hij aldaer sach leggen zijn  wambas ende eenige andere clederen, ende dat  hij voort, gaende in den hoff om te sien off daer dieven waeren, vyndende was zijn royt wambaes, een swarte broeck ende gecleurde nachtabbert, neffens een paer swarte ende een  paer groene hosen, sonder dat hij in den hoff vindende was eenich volck. Verclaerde voorts dat hij aen de muyr van den hoff aen weder-  zijden ses ofte seven leeren, ende dat aen verscheyde muyren alse aen elcke muyre twee, vondt staen; verclaerde mede, dat in de  keucken bevonden worden een keers, die  brandende was ende bij die van de familie aldaer  verclaert worden nyet te hebben laeten staen branden ende oversulcx voor seecker hielden  bij de dieven aldaer ontsteecken ende laeten  staen branden te wesen.