HUAcursus tekst 16d
Huiswerk voor de cursus Paleografie voor beginners, Het Utrechts Archief. Floris, graaf van Holland, beveelt de eigenaars van het land waar de Nieuwe Vaart gegraven zal worden om het eigendom daarvan aan de stad Utrecht op te dragen tegen betaling van de door hem getaxeerde waarde. Archief van het stadsbestuur van Utrecht 1122-1577, toegang 701, inventarisnummer 276.
- Wi Florens, grave van Hollant, maken cont allen denghenen, die desen brief sullen zien of horen, dat dat onse wil es, dat die stat van Utrecht hebbe dien eighendomme van den lande, dat die Niwevaert hetet. Alse van Willemme van der Slike ene halve hoeve, Spronch en sinen neve, daer hi monbare af was, ene hoeve, Willem van den Oudengheine ene virtel, ende haer Arnoud van Amstelle ene virtel. Ende ghebieden, dat desen voreghesegheden luden, dat si den eighendome van desen lande, dat hier vorghenoemt es, opgheven vrielike ende alle dat recht, dat sie daerane hebben, ter stat behoef van Utrecht omme also vele penninghe als hem van onser weghen van dien lande toghewiset es. So wi dat niet ne dade, dat souden wi op hem verhalen. Ende wat die stat van Utrecht daer to dede, des houden wi hem ghewaert. Desen lettren waren ghegheven in ons Heren iare ducent tvehondert neghen ende tachtich, des Manendaghes na sente Niclaisdaghe, te Coppartshuus.