HUAcursus tekst 14c
Huiswerk voor de cursus Paleografie voor beginners, Het Utrechts Archief. Afkondigingen betreffende een vechtpartij op het Janskerkhof en mishandeling van stadsknecht Jan Mertenssoen. Archief van het Stadsbestuur van Utrecht 1122-1577, toegang 701, inventarisnummer 16-10.
- Des manendages na scolasticeDes vridages na sunte Pouwels dach conversio laetste voerleden des avonts omtrint negen uren sijn hoerre drie gecomen optie nie graft bi sunte jans kerchof ende hebben Gijsbert Jans soen Melis knecht van Mijnen mit eenre kusen geslegen ende voert vervolcht tot in die Wittevrouwen straet. Ende want niement en weet meer dan van enen persoen die hier mede geweest heeft, so laet die raet weten die gene die dese daet voerscreven gedaen hebben, dat sij comen binnen achte dagen ende gevent den rade te kennen ofte daeren- tenden tso wil die raet dat rechten voer moert.So die Jan Mertens soen, onder stat knecht ander dages bi nacht geslegen is, ende die raet ter clocken heeft laten weten ijement die dat gedaen hadde dat hi dat den rade binnen achte dagen te kennen gave ofte anders wout die raet rechten voer moert. Ende so noch nijemant van deser saken voert gecomen en is, laet die raet weten ijment anders diet den rade te kennen gave wie Jan Mertens voerscreven geslagen hadde daer soude hem die raet of geven L stat pont. Ende waren sij geen borger so soude hem die raet borgerscap geven.