HUAcursus tekst 14a
Huiswerk voor de cursus Paleografie voor beginners, Het Utrechts Archief. Afkondigingen betreffende Jan van Herpen, Gherijd Claessoen en Jan William plus een waarschuwing voor valse munten, Archief van het Stadsbestuur van Utrecht 1122-1577, toegang 701, inventarisnummer 16-1.
- Want Jan van Herpen gheboden was te gaen opten Roden Toorn op sijn scout ende op sijn onscout bi zijnre borgherscap, zo neem men hem zine borgherscap, want hi opten toorn nijet ghegaen en is. Want Gherijd Claessoen de wijnroeper quade onredelike woerde ghesproken heeft ende lude van onsen rade ghedreijcht heeft dat van partijen weghen roert, daeromme heeft hi een jaer lang ghelegen in den Roden Toorn ende heeft daer water ende broot ghegheten, ende men verbiet hem de stat vijf jaren lang. Want de raet van der stat ter waerheijt ghevonden heeft, dat Jan Willam haren Peters wijf uten Hamme ons borghers ondadeliken van live ter doot ghebrocht heeft daer omme verbiet men hem de stat eweliken op siin liif. Ende waert datten de raet van der stat ummermeer creghe, zo zout ment aen hem rechten alsmen sculdich waer te doen. Hier comen veel quader nijer cleevse doeijtkiins, daer waernt de raet enen ijgheliken vuer datse nijemant en neme.