HUAcursus tekst 12a

vaen. [Caput] In den jaer ons Heren  72 op Sinte-Odulphusnacht was een groot brant t' Utrecht  bi den Jacopinen, daer barnden omtrent 400 husen als men seit. [Caput] Daerna in den jaer ons Heren  1372 op Onser Vrouwen- dach Nativitas was die hertoech  van Gulic daer; hem was doen ver- staen, dat hi quaem tot Tyel, hij  soude die stede wel vercrighen. Ende als hem die Bronchorsten be-  reyden op die reyse, doe wertet  biscop Aernt verbootscapt, die op die tijt tot Renen was, ende  een deel burghers van Utrecht daer bij hem hadde, ende om dit te  verhoeden, so reet die biscop tot Tyel ende nam mit hem een deel rid- deren ende knechten ende burghers  ende een deel liet hi bliven tot Renen  om die stat te bewaren. Ende als hi tot Tyel quam, doe vant hi daer die vrouwe van Ghelre, daer sij hoefden ende dansten ende waren  guede ghesellen, mer sij en be- waerden die stede niet so wijse- liken: die Bronchorsten en quamen  bi nachte daer ende wonnen die stede. Daer bleven gevangen  heer Loef van Hoern, des bys- scops broeder, heer Ghijsbrecht van Hardenbroeck, heer Vrederic  van Zulen, ridders, Jacop van Lochorst, Willem over die Vecht,  Daem van Lochorst, Aerst van Groenenwoude ende anders veel