HUAcursus tekst 11a

LXXII Anno nae Christus geboirte ons Heren XVc LXXII den  XXIXen decembris naer stijl van Utrecht. De regierders van den stadt Utrecht, in haerluyder rade gelesen  hebbende sekere extract, getogen uuijt een missive  van de excellencie van den hartoge van Alva, capiteijn ende  gouverneur-generael etcetera, an u mijn edele heer president  van den hove van Utrecht geschreven den lesten octobris  anno LXXI lestleden, uuijt crachte van de welcke uwer  edele die voirscreven regierders bevolen hebben in uwen handen  te leveren alle haerluyder originele chartres, statuten,  previlegien ende ordonnantien dieselve stadt concernerende,  om voirts overgesonden te worden aen de excellencie van den hartoge  van Alva voirscreven. Ende daerop rijpelick gelet  ende tot meermael ter eernstiger begeerte van uwer edele  gedelibereert hebbende, seggen voir antwoort dat zij  nijet en konnen verstaen uuijt het voorscreven extract dat  zijn excellencie meninge soude wesen alle des voirscreven stadts  originale chartres statuten previlegien ende ordonnantien over- gesonden te willen hebben, alsoe die woirden spreken  simpelick van de chartres statuten previlegien ende ordonnantien  de stadt oirspronckelick concernerende, twelck de voirscreven  regierders souden verstaen van de copien van de selve, somen nijet  gewoenlick es alle die originale chartres previlegien  statuten ende ordonnantien van steden ofte landen buten deselve  steden ofte landen te versenden ofte laten vervueren, maer  berusten deselve gemeenlick in de archiven van de voirnoemde  steden ofte landen. Ende konnen veel min geloven  dat zijn excellencie dvoirscreven regierders nijet en verstaen dat  zijn excellencie sulcx van enige andere steden geeyst soude hebben.  Ende indien uwer edele hem soude willen laten genougen  met die copien van de voirscreven chartres, willen de