Een snelle poging, met alvast dank voor nazicht en correctie:
Eersame lieve vryende. Also uwe liefden ons noch ghene uytrichtinghe noch
betaelinghe gedaen en hebn van den gelde testamentz Henrick Haken zeliger gedecht(enissen)
daer van wij der selver uwer liefden twewerve myt sunderlingher andachte
ind begheerte guetlicken schrivende vermaent hebn, gheven wij uwer liefden
.u (zu?) derder werve to kennen mede vryentlicken begerende ons noch thesen neestokomende
sonnendagh betaelinghe to doen, want of dat nyet en geschyeden, dencken wij daer
en theynden ter stont mede daer up to forderen na begripe onser bryeve as
nementlicken burghen uwer liefden stat to tuenen ind to behalden avermyds ons selven
ind oeck onse baden die wij daer umb van steeden tot steeden uytseyende ind schicken
willen. Oeck dencken wij schaeden, hynder ind pene to rekenen ind to boeren, so
(o)nse bryeve dit allet vermoegen. Hijr weten sick uwe liefden in den besten na to richten
ons wederumb myt bewiser diss bryefs een beschreven antwoerdt seynden(de). Daer
na wij weten moegen voert to vaeren. Onse Here God gespare uwe eersame liefden
selich ind gesont. Gescreven under onser stat secret des manendaghes in Rogationibus anno LXIX° [= maandag vóór Hemelvaart of 8 mei (14)69]
Carina
zei op dinsdag, 14 november 2023 - 21:12