20-7-1492
Wij Peeter Gherryt Ghijs ende Claeus Rombout Mertens manne oirconden ende kennende dat voir ons/
comen is Gielys Faes sone van Lantscot bekende ende verlide dat hi wel ende wettelijck vercocht/
heeft om een somme gelts bij Janne Van Nederven ende sinen naecomers alsulken ende dieselven/
parcheelen erfs mette selve grootten selve plaetsen geleghen metten selven commer van/
erfpachte ende erfchijnse metten selven waernissen ende claernissen ende voirt in alle deselven/
vormen ende manieren gelijck dat die manbrieff daer desen tsteghenwoirdighe brieff met/
onsen zeghelen bezeghelt doergesteken is claerlijck daer aff inhoudt ende begrijpt/
behoudelijck dat de voirsz. parcheelen erfs medepant bliven stellen metten goeden van de/
Vloet, ende van Aert Michiel Waghenaer pachten alsoe verre als sij sculdich sijn de/
medepant aff te sine ende antvoorden ende behoudelijck datter over gaen sellen de weghe/
tot Faes van Lantscot weyden ende bemden sonder yemande anders de eenighe weghe over te hebben/
oft te houden in enigher manieren gewest. Anno XCII upten XXsten dach in Julij. 20-7-1492
3-8-1491
Wij Peeter Gheeryt Ghijs sone ende Clays Rombouts Mertens sone manne oirconden dat voer ons comen/
es Heynrick Chrispiaen Jan Maessen sone bekende ende verlide op ... dat hi wel ende wettelijck vercocht/
heeft om een somme gelts bij Chrispinen Faes dochter van Lantscot ende haeren naecomers een stuck lants/
geheyten de Tuyeringhe ontrent ander halff loopensaet lants luttel min sij oft alsoe groot ende cleijne alst/
geleghen is t'Zundert inde Wijde acker aen des persoens erve van Groot Zundert noertwaerts ende/
Sinte Nyclaeus altaars erve zuytwaerts ende ostwaerts te vrien ende te waren scadeloes behou-/
delijck dat pant ende medepant bliven sal ende voirt soe is voir ene manne voirsz. comen/
Chrispiaen, des voirseijde Heynricks wittelijcke sone van hemselven ende voer sijn suster ende broeder die hi daer/
inne geloofde te vervanghen ende bekende dat Heynrick zijn vader voirgenoemd op t'voirsz. stuck lants/
tsegen hem geerfdeylt es, ende dat hi daer tsegen verlijct is met ander goed t'anderen plaetse gele-/
ghen daer hi mede content is ende te vreden. Alsoe dat hi gheen recht daeraen en heeft ofte en be-/
houdt nu ofte namaels t'eniger tijden. Gevest d'anno XCI opten derden dach augustis. 3-8-1491
Hans Van Landschoot
zei op vrijdag 13 oktober 2023 - 20:23