1. Wouter Corloy Henricxssone woenende te Mercxhem vercocht Peteren Soys
2. Janssone die V scellingen groten brabants tsjaers erfliker renten diemen heeft ende jaerlicx
3. natalis heffende is op een stede met huyse, hove, lande, gronde et
4. pertinentiis, houdende omtrent V buyndere gestaen ende gelegen te
5. Mercxhem voers achter de kercke tusschen Jan Buytoers erve was
6. ex una ende sHeerenstrate ex altera. Ende voordane op Cornelis Coppens
7. ende op alle zine andere goede ruerende ende onruerende gelyc de zelve
8. Cornelis die inden jaere M CCCC ende XCII , XIX dage in december
9. den voers Wouteren daer op vercocht heeft. Ende noch die VI scellingen groten
10. brabants tsjaers erfliker renten diemen heeft en jaerlicx oic natalis heffende
11. is opte voers stede cum pertinentiis predictis gelyc en in alle der manieren
12. Cornelis Coppens voers die inden jaere M CCCC ende XCIII,
13. XXV dagen in meye den voers Wouteren oic daer op vercocht heeft
14. prout litterae Antwerpiensis deinde confecta quas tradidit clarius continent
15. Drouch op te waerne van alle commere ende calaengien. Gebraeck
16. yet aenden coop aende waernisse ende claernisse voerscreven oft
17. dat den voers Peteren Soys ende zijnen nacomelingen ennigen
18. last moeyten oft calaengie aengedaen warde van schote
19. lote beden settingen ende allen andere ongelde ^daer op comen mochte^ dat hij Wouter
20. dien last ende oncost zelver betalen zal ende de voers erfrente daer
21. af ongelast houden unde obligavit een stede met huyse hove
22. lande gronde et pertinentiis gestaen ende gelegen te Mercxhem bij tbeken
23. tusschen Henric Corloys erve op ex una ende sHeerenstrate ex altera et ulterius
24. se ipsum et sua
XXIX april
Guido Snoeys
zei op donderdag 5 januari 2023 - 18:43