Op huyden desen 10e Octobris anno 15 tachtich compareerden
voer mij Otto Dirckz, secretaris der stede van Woerden, notaris
publick, bij den Hove van Hollandt geadmitteert ende die getuigen
hier onder gescreven, Cornelis Jansz voer hemselven,
ende Willem Cleysz als man ende voecht van [...],
sijn huysvrou, beyde van Bodegraven, ende Jan
Ghijsbertz, onse medepoerter, als man ende voecht van Oethgen
Jansdochter, sijn huysvrou, alle erffgenamen van Jan Elbertsz
zaliger, heurlieder respective vader, ende bekenden als dat
Ghijsbert Claesz Colff, poorter deser stede, voer heurlieden
comparanten gepasseert ende bekent heeft in t'weesboek
deser stede, schuldich te wesen Jan Pieterz, weeskint van
Pieter Willemsz Vis, de somme van hondert rins gulden hooft-
somme ende daer jaerlicx van renthen te geven ses gulden
vijf stuyvers ter tijt der lossinge naer vermelden t'weesboeck
voersz., welcke penningen zij comparanten bekenden ontfangen
te hebben, des bekenden zij beloeft te hebben, ende
beloefden bij desen, voer haer ende haeren erven Gijsbert
Claesz voersz. ende sijnen erven van dese hondert gulden
te vrijen, costeloes ende scadeloes te houden, te indemneren ende
t'ontheffen, ende die voersz. jaerlixe renthen alle jaers te
betaelen ten dage van de verschijninge ende oick de hooftsomme
op te leggen, ende tot seeckerheyt van t'gundt voersz.
is te volcomen, hebben daeronder verbonden elx speciael
hairluyder personen ende goederen, tot bedwanck ende submissie
van allen s'heeren hoven, rechteren ende gerechten, verbindende
daer oick onder die bruycker lants hemluyden als erffgena-
men van Jan Elbertsz zaliger angenomen ende anbestorven /
zoe groet ende cleyn zij d'zelve leggende hebben tot Bode-
garven in t'waylant, belovende
d'zelve niet te vercopen, versetten, beswaren ofte
becommeren, tensij Ghijsbert Claesz ofte zijnen erven
van dese hondert gulden bevrijdt sullen wesen, en waer t'saecke
dat Ghijsbert Claesz tot eenige tijden eenige costen, scaden
ende interesse mochte lijden van dese sijne bekentenis
voer dese gemeltde hondert gulden, dat Gijsbert Claesz, off
sijnen erven alsdan die costen, scade ende interesse an heurluyder
personen ende goederen ende dese bruycker sal mogen
verhalen met wat recht hem sulcx gelieven sal,
onder constructie als voren, met .alle die costen daerom
gedaen.
Geert - you have sharp eyes. Thank you. Much appreciated.
Luke J
zei op dinsdag 15 december 2020 - 23:20