St. Joris 26 Novembris 1534
Adriaen Verbeke, goutsmit, wonachtich t'Antwerpen, heeft verhuert
Peeteren Schatz, wisseleert, ooc aldaer wonachtich, eenen winckele int
Dronick Straetken int huys d'welck de voirsz. Adriaen in hueringhen geno-
men heeft, teghen Adriaen Cleermakere, rentmeester van heeren Kaerle van
Sompeken, tusschen Daems des schoenmakers winckele ter eenre, ende des voirn.
Peeter Schatz winckele, daer hij nu ter tijt inne voort staet ter andere zijden,
den tijt van drie jaeren lanck duerende, innegaende te Kerssmisse naestcomende,
des jaers om twintich gulden, te betalen metten halven jaere, Adriaen en sal
in den voorsz. winckele gheen gesach hebben, maer alleene de camer boven,
noch Peeter insgelijcx in de camer boven dan alleene in den winckele, ten waere
bij huerer beyder consente verobligerende is ende kennelicen is. Aldus gedaen
ten huyse mijns notaris opte Borsse gestaen, present Mathijs van Bieshoven,
cordewagenmaker ende Zeger Shertoghen de Jonghe, getuyghen
Elsa
zei op zondag 24 september 2023 - 21:35