Wie kan mij helpen met het ontcijferen van deze tekst?

Henrick van Etten ende Henrick Ghijsbrecht Brocx zone, schepenen
in Ghinneken, quamen Jan Peter Jacops zone in
d'een parthije, Kathelijn Peter Jacops dochter met Hubrecht
Joost Meren zone, heuren man ende voight, in de tweede
parthije, Petere Peter Jacops dochter met Anthonis
Joost Meren zonen, heuren man ende voight, in de derde
parthije, Jan Jan Hubrechts zone de Visser, weert
ter herberge, genamet In den Off tot Breda, opten Haeghdijck, als
voight ende Claes Bastiaen Cristus zone als /
toesiender, samentlick in den name van Adriaenken ende
Jozijnken, wijlen Wouter Peter Jacops zoons ombejaerde
kynderen, in de vyerde parthije, Jan Cornelis Jan Pauwels
zone, in den naem van Mechtelde, wijlen Willem Claes
Mertens dochter ende van Claesen Jans zone voer-
man die men noemt Voightken, heuren man, voir de-
welcke de voirgenoemde Jan Cornelis Jan Pauwels zone
hem sterck maecte ende dezelve verving ende de
voirgenoemde Jan Cornelis Jan Pauwels zone als voight
ende Peter Anthonis Meren zone als toesiender
samentlick in den name van Claes, Peteren, Pauwels
Cornelisen, Mariett ende Adriane des voirsz. wijlen
Willem Claes Mertens zoons zonen ende dochteren, van
welcke zonen ende dochteren wijlen Willem Claes
Mertens zoons voirsz. moeder was wijlen Cornelia
Pauwels Jan Pauwels dochter, die een voirdochter
was van wijlen Mechtelde Godschalcx dochter van der
Hoelt, in de vijjfte parthije, kenden ende lijden dat
naedyen de erfgoeden naebescreven bij de borgen wijlen
Mechtelde Godschalcx dochter van der Hoelt, weduwe
lestmael wijlen Peter Jacops, hun moeder, ende der voorsz.
kynderen oudemoeder was achtergelaten bij mijnen
heere den drossaet der stadt ende s'lants van Breda
heer Jacop t'Seraerts Ridder, Cornelisen Claes Jan
Mertens zone, coopman tot Breda, ende Michielen
Mercelis zone van den Anoirt als bij hen parthijen
voirgenoemt daertoe versocht ende gebeden zijnde, ende
bij rade ende advyse van dezelve in bijwesen ende
bij weten wille ende consente van hen parthijen voirgenoemt
gestelt waeren in zeker cavelen oft deelen zoo gelijcke
als hen gedocht heeft t'selve mogelick oft doenlick
te zijn, ende alzoo men de stede ende herberge
daer de voirgenoemde wijlen Mechtelde bynnen heuren leven
te woonen plach ende daer zij uutgestorven is nae-
bescreven, nyet wel gevuechelick en heeft connen
deylen, overmits de menichfuldicheyt van de huysingen,
dewelcke nyet wel en dienen gescheyden te zijn,
mitsyden t'selve een herberge ende uutspanninge is
ende het mitsdyen best gevonden is dat men van de-
selve herberge ende huysingen mette erffenissen
daeraen liggende ende daertoe gevuecht, gelijck
naebescreven volcht, twee cavelen maecken zoude,
zoodat deghene die opte yerste ende opte tweede
cavelen vallen zouden dezelve twee cavelen hebben zouden
tesamen gemeyn ende evengelijck al alzoo de parhtijen /
voirgenoemt verclaerden in parthijen voirgenoemt bij recht-
veerdige cavelinge ende lotinge opten eenentwintichsten
dach in Augusto anno XVC vyerentzestich lestleden,
tusschen hen in jegenwoordicheyt van mijnen heere
den drossaet ende van de andere twee goede mannen
bij hen daertoe versocht ende gebeden, bovengenoemt
gedaen zijnde van ende aengaende dezelve erfgoeden
minlick ende vruntlick van malcanderen gescheyden
ende gedeelt zijn, in der manieren hiernae volgende,
te weten, in den yersten zijn de voirgenoemde Petere Peter
Jacops dochter, Anthonis Joost Meren zoons huysfrou
ende de kynderen wijlen Willen Claes Mertenszoons,
daer moeder af was de voirgenoemde wijlen Cornelia
Pauwels Jan Pauwels dochter, als opte yerste ende
tweede cavelen gevallen zijnde mette zelve twee
cavelen bevallen ende gedeelt opte stede ende herberge
voirgenoemt, huysinge, stallinge, schuere, koye mette
hovinge ende erffenisse met alle heure toebehoirte
ende mette twee ackers, den eenen genaemt den Haspel 
ende den anderen aen de rijstraete comende daer aen liggende,
houdende tesamen omtrent twee buynderen aeneen, gestaen
ende gelegen tot Ulvenhout, oostwaert aen de twee
weykens daerop de voirgenoemde Jan Peter Jacops zone
bij cavele bevallen ende gedeelt is, gelijck naebesreven
volcht, zuytwaert aen de voirsz. rijstrate, westwaert
aen s'heeren strate, ende noortwaert aen Engele
Berthelmeeus Peter Boonaerts wedue erve ende
oock eensdeels aen de steertstrate, item noch op een
stuck erfs, genaemt Treckeschot, onder lant, heyde,
weyde ende bosch, houdende tesamen omtrent drie
buynder, gelegen aent Gheertbroeck, oostwaert ende
zuytwaert aen Jan claes Cornelis zoons van den
Kyeboom erve, westwaert aen Cornelis Claes Jan
Mertens zoons erve ende noortwaert aen s'heeren
strate, item noch op een stuck heyvelts, genaemt
d'Nyeuw Heyvelt oft den Nyeuwen Inneem, houdende
omtrent twee buynder, gelegen oick aent Gheertbroeck
int Ghoir, oostwaert aen Cornelis Cornelis
Goderts zoons van Ghilze erve, zuytwaert aen
Peter Faesz erve, westwaert aen wijlen Joost Cornelis
Godschalcx zoons van der Hoelt weduwe ende erfgenamen
erve, ende noortwaert aen s'heeren vroente, ende
noch op een derdendeel in ende van een stuck heyvelts,
houdenden int geheel omtrent twee buynder, daer-
af de andere twee derdendeelen den voirgenoemde Petere /
Anthonis Meren zone ende Cornelis Claes Jan Mertens zone,
te weten, elcken van hen beyden een derdendeel toebehoiren
gemeyn ende ongedeelt, gelegen in de Retten omtrent de
Bonsschenberchsche molen, aloo groot ende cleyn
als de stede ende alle de erffenissen voirsz. gestaen
ende gelegen zijn, ombegrepen der maten, daer de
voirgenoemde Petere Peter Jacops dochter ende de kynderen
wijlen Willem Claes Mertens zoons voirsz. tesamen
ende evengelijck jaerlicx uutreycken zullen moeten
achthien veertelen ende drie loopenen rogs erfpachts
tot veertich grooten vleems, erchijnen ter quijtinge den
penning zesthien heer Gheriden Vlemincx, priester
pastor der kercke van Ghinneken ende s'heeren chijns daer
jaerlicx uutgaende, ende denzelven commer zullen
zij gehouden zijn, ende geloofden jaerlicx alzoo uut te
reycken ende te betalen dat de anderen hon mede-erfgenamen
aen de erffenissen daerop zij gedeelt zijn, gelijck nae-
bescreven, volcht ende die daeraf medepant off
bijpant zijn daeraf nyet gemoeyt, belast oft be-
schadicht en zullen worden in eninger manieren,
verbindende daervoir ende settende hen daeraf te
waerborge ende te verhalen hon stede huysingen ende
erffenissen voirsz. ende voirts henzelven ende alle hon
andere goeden, ruerende ende onruerende, presentia et
futura, ende den commer voirsz. is thonder last
beginnen te loopen van Lichtmisse af anno XVC vijfen-
tzeventich ludicx stijle lestleden, item hiertegens
is de voirgenoemde Jan Peter Jacops zone mette derde cavele
bevallen ende gedeelt op twee weykens, houdende tesamen
omtrent vijf vyerendeel buynders oft alzoo groot
ende cleyn ombegrpen der maten alse aeneen gelegen
zijn, oick tot Ulvenhout hart aen de stede voirsz.,
oostwaert aen den grooten acker daerop de voirgenoemde
Kathelijn Peter Jacops dochter, des voirsz. Hubrecht
Joost Meren zoons huysfrou, bevallen ende gedeelt
is, gelijck naebescreven volcht, zuytwaert aen de
voirsz. rijstrate, westwaert aen de ackers aen de stede
liggende voirsz., ende noortwaert aen de voirsz. steertstrate
daer de voirgenoemde Jan Peter Jacops zone geenen commer
uutreycken en zal, mer zal dezelve Jan uut zaecke
van dese zijn cavele in de gemeyn schulden moeten
uutreycken ende betalen twelf karolus gulden t'stuck
tot veertich grooten vleems eens, item hier- /
tegens is de voirgenoemde Kathelijn Peter Jacops dochter, des voirsz.
Hubrecht Joost Meren zoons huysfrou, mette vyerde
cavele bevallen ende gedeelt opten grooten acker
voirgeruert, houdende omtrent een buynder oft alzoo
groot ende cleyn, ombegrepen der maten, als die gelegen
is t'eynden aen de weykens voirsz., oostwaert aen zeker
gemeyn velt, genaemt Omanis Belt, zuytwaert aen de
voirsz. rijstrate, westwaert aen de twee weykens voirsz.
ende noortwaert aen de voirsz. steertstrate, daer
dezelve Kathelijn oick geene commer uutreycken en
zal, met zal dezelve Kathelijn in verlijckinge van
cavele van stonden aen moeten uutreycken ende betalen
aen kynderen wijlen Wouter Peter Jacops zoon, 
heure brueders voirsz., thien karolus gulden eens,
ende hiertegens zijn de voight ende toesiender tot
behoef van de kynderen wijlen Wouter Peter Jacops
zoons voirsz. mette vijffte cavele bevallen ende
gedeelt op een stuck erfs, genaemt Den Acker
achter backers onderlandt ende weyde ende metten
boschken daeraen liggende, houdende tesamen
omtrent een buynder of alszoo groot ende cleyn,
ombegrepen der maten, alst gelegen is t'Ulvenhout
bij de Cockelberchsche brugge, oostwaert, zuytwaert
ende westwaert aen Michiel Mercelis zoons van der
Anoirt erve ende oick eensdeels westwaert aen de
beke ende noortwaert aen Jan Mathijs zoons van
Muysen oft zijnre huysfrou Cornelie Peters van den
Corput wedue ende des voirgenoemden Hubrecht Joost
Meren zoons erven, daer de kynderen wijlen
Wouter Peter Jacops zoons voirsz. oick geenen
commer uutreycken en zullen, ende dezelve
kynderen zullen in verlijckinge van cavele van de
voirgenoemde Kathelijn Peter Jacops dochter, hon moeye,
metten voirsz. Hubrecht Joost Meren zone heuren
man alnu van stonden aen ontfangen de thien
karolus gulden eens voirsz., ende in der
manieren bovengescreven bedancken hen de parthijen
voirgenoemt goeder cavelinge, scheydinge ende deylinge
van alle de goeden voirsz., verthijende d'een op
des anders gedeelte, zoo dat behoirt. Actum
anno XVC vijfentzeventich zess dage in Aprille.

Enorm bedankt weer! We komen steeds een stapje dichterbij.