Wie kan mij helpen met de linker pagina van deze Schepenakte 03-08-1534

Dit is de linkerpagina. Is de andere pagina niet nodig?

Cornelis Godsclacx sone van Hoelt ende Petro Jacopssone, scepenen
in Ghinneken, quamen Kathelijn Jan Thielsdochter, weduwe was wijlen
Jan Gherit Papenbrugsz met Petrus Jans Hairdensone, vorster
tot Chaem, haeren man nu ter tijt, ende voight in den parthije, ende
Gheryt wijlen Jan Gheryt Papenbrugssone in bijwesen van 
Jan Janssone van den Beken sijnen oom in d'andere, kenden ende
lijden dat zijluyden minlick bij tuschenspreken van goede mannen
zijn geaccordeert, verenicht ende overcomen van alle alsulcke
questien ende geschillen als tusschen hem tersaicken van de
deylinge van den goeden die de voirsz. wijlen Jan Gheryts Papenbrugs-
sone ende Katelijn sijn huysfrou op sijnen sterfdach hadden, geresen
waren ofte hadden moghen rijsen, ende dat zijluyden aengaende
deselve goeden gescheyden ende gedeelt sijn in de manieren hierna
volgende, te weten, in den yersten dat de voirsz. Kathelijn Jan
Thielsdochter hebben ende behouden sal als heur out goet alsulcke
twee zesteren rogs erfpachts als zij nu ter tijt noch heft tot
meel, item noch twee zestreren rogs erfpachts ter loss tot tween
malen elck zester rogs erfpachts met vijftich rijnsgulden t'stuck
tot veertich grooten vlaems eens opten pachtdach ende metten verschenen
pacht jairlicx te hebben ende te heffen bynnen Breda ende op Lichtmisse
uut ende op twee stucken lants die de voirsz. Jan Gheryt Papenbrugs-
sone eertijts van Joost Vlamich weduwe vercregen heeft d'een
stuck houdende omtrent twee buynders ende d'ander stuck houdende omtrent
vyer lopensaet oft alsoe groot ende cleyn alse aen een gestaen
ende gelegen sijn t'Ulvenhout, oostwaert aen s'heren strate, suytwaert
aen Matheus Cornelisz erve ende aen Henric Henricsoens erve
ende westwaert aen Ghijsbrecht Aert Godersz erfgenamen erve naest
alsulcken commer als dair met recht sculdich is voir uut te
gaen, welck twee zester rogs erfpacht ter quijtinge de voirsz.
Kathelijn hebben sal in de plaetse ende voir neghen
viertlen rogs erfpacht die van haerentwegen gecomen waren
ende eertijts vercoft zijn ende de penningen dairaf aen de twee
stucken lants voirsz. bekent, item noch sal de voirsz. Kathelijne
van Thielsdochter in rechte deylinge hebben ende heffen vijf
rijnsgulden, t'stuck tot 40 grooten vlaems erfchijns ter loss tot
tweemalen elcken penninck erfchijns met twintich gelijcke penningen
eens te gheven opten chijnsdach ende metten verschenen chijnse alle
jairs verschijnende op Lichtmisse uut ende opte vercochte huysinge.
stallinge, schure, kooye, hovinge ende erffenisse met haer toebehoorten
ende opt erve dair aen leggende houdende omtrent vijftalf lopensaet
dair wijlen Jan Gheryt Papenbrugsz voirsz. uutgestorven is
gelijc die gestaen ende gelegen sijn t' Ulvenhout vast alsulcken

Ja graag! Heel fijn dat je het vraagt. Ik zie nu dat de tekst juist midden in de omschrijving van het goed in Ulvenhout afbreekt. De andere pagina is dus zeker nodig, vooral omdat ik heel benieuwd ben naar de verdere omschrijving en eventuele belendingen. Ik stuur hem meteen door. Enorm bedankt weer!