Ghijsbrecht Jan Witgensz. als borge voir Ghijsbrecht Mouwerijnsz is zijn dingtael
tegens Aernit Pietersz ende Ghijsbrecht voirsz. die seyt dat Aernt voirn. hem
te hoge ende mit onrecht gepant heeft om zijn huys ende erve, ende seyt.soe wye te
hoge pant dat die mit onrecht pant ende na den rechte van der stede niet winnen en zel,
alsoe die selve Ghijsbrfecht Jansz wel bewijsen zel dat Ghijsbrecht Mouwerijnsz
dair hij borge voir is zijn portie bijna al geheel te vollen betaelt heeft, ende die
pandinge is geschiet om die volle somme in den selven scpenen brief begrepen ende
seit bij die voirsz. redene dat hij als borge vrij ende quijt zell wesen van de voirn.
pandinge na den rechte van der stede ende dat dit mede staen zel tot bewijsinge voirsz.
den wairdeyns* ende dat eerst bij den gerechte gesleten zel worden om elck te hebben
dair hij in gerecht is, des hij begheert vonnisse van scepenen ende eerst gehoirt.
* waerdein: Ambtenaar belast met het toezicht op de naleving der keuren, opzichter, zoo
b.v. bij de lakenbereiding, de munt, den graanhandel
Louis van Veenendaal
zei op vrijdag 29 mei 2020 - 09:09