Transport 1557

deel 2

Anno 1557 den 26en january

Cornelis van Berck ende meister Peter Wijborch ende Gani? Vuer

mit gesamenderhandt Claes Willemss van Duynkerc-

ken uyt den naem ende vanweegen Jan Janss van Duynkercken

alsulcke vierendeel van eender huysinge ende hoffstede /

mitsgaders een philipsgulden t'sjaers als hem duer testament van

Margriet Hans van Duynkerckens huysvrouwe saliger gemaect

ende gegeven is volgende seeckere procuratie hiernae verhaelt

van woorde tot woorde: Up huyden compareerden int secre-

tarie der stede van Delft Jan Janssoen van Duynkercken,

constitueert ende maect machtich mits desen Cornelis van

Berck ende mr. Peter Wijbach thoenres van desen ende elcx

van hemluyden bisonder, woonende tot Utrecht omme

uuyt sinen name ende van sinentwegen te moogen transporte-

ren ende opdragen eenen Claes van Duynkercken een seecker

vierde paert van een huys ende erve, staende aen de oistzide van de

Nieuwe Graft tot Utrecht, item omme noch denselven Claes

te transporteren een vierde paert van een jaerlicxe rente van

vier philipsgulden s'jaers, staende verseeckert op een huys ende

erfve genaempt Den Gulden Handt tot Utrecht, behoorlicke

brieven daervan te passeren indient noot sij, voorts

alle daerinne te doen dat men nae de costume der

voorsz. steede behoert te doene ende hij constituant selver

present ende jegenwoordich sinde soude konnen ofte

mogen doen, belovende bij sijne trouwe, eere ende sekerheit

over goet, vast ende van weerden te houwen alle t'gunt

dat bi den voorsz. geconstitueerden ende elcx van hemluiden bisonder

in t'gunt voorsz. is gedaen, gesolliciteert ende gehanteert sal

worden, des t'oirconde t'segel ten saicken deser stede hier-

onder op gedruct den 22en September anno 1556 ende was

onderteickent Jordins ende sijn comparanten verteegen daeroff ende

geloofdent te waeren etc., sonder arch.

Bedankt, Geert!