Dat voir ons quam int gerechte Gherit Pot ende gaff voer hem ende voer jofftouw Anna, sijn wijff, daer hij
op dese tijt wittelijcke geboorte bij heeft over Willemsz Jansz die sloetmaecker, die alinge, huysin-
ge ende hofstede, alsoe die gelegen is opte noortsijde in de Rodenborghstraete dair Hermen Daems-
soen nu ter tijt inne woent, dair joffrouwe Aecht Willems Soeyten weduwe mit hoeren poertwech boven
ende Huych Pot beneden naestgelegen sijn, ende hij verteech dairoff ende van alle rechte ende
toeseggens dat hij dairaen hadde ende mede van allen brieven die dairoff ruerende sijn tot Wil-
lem Jansz behoeff voergenoemt alse recht ende oerdele wijsen dat hij sculdich was te doen ende hij
geloofden se hem mede jair ende dach te waeren optie helft van twe pont stadt pay ende ses scel-
linge die dair jairlicx erffelijck uutgaen nae den heylighen beloecken paeschendach naestkomende ende
alle voerplechten off te doen, sonder arch.
Dat voer ons quam int gerechte Willem Jansz die sloetmaecker ende verplach Gheryt Pot
vijfendetseventich goede, gouden karolen keysers gulden alse twyntich hollantsche stuvers
voir elcken gulden voorsz. gereeckent, te betalen bynnen s'jaers naestkoemende mit allen boden
verwonnen zonder arch
Adriaan van Heemstede
zei op zondag 13 maart 2022 - 15:33