Transcriptie schepenakte: Willem zoon van wijlen Jan Jacobs Cierneels

Wilhem, sone wijlen Jans Jacopsz
Chierneels, blauverver, heeft wittelic ende erffelick
vercoft mits desen Peeteren Artssen van Hees tot
behoeff Pieters sone wijlen Jans Symonsz,
laickencoopere, eene jaerlicke ende erffelicke chijns van
twyntich carolus gulden tot twintich stuvers
t'stuc goets gancbaers gelt, te betalen alle jaer /
erfelick puris ende voor den iersten termijn van
betalinge purio anno 1603 ende in
sHertogenbossche, vrij van allen beeden, mer den
twintichsten, hondersten ende allen anderen meerderen
ende minderen penningen, commeren, schattingen
ende lasten, gewoenlicke, ongewoenlicke, ordina-
rise ende extraordinarise, innegestelt ende namaels
ingestelt te wordenen, egeene lasten uutgesceyden,
te leveren ende te vergelden van ende uut sijns vercoo-
pers twee voorhuysen neffens malcanderen staende,
waeraff het eene den Blauwen Schorteldoeck is
genaempt mette plaetsse, hoff ende achterhuys
daerafter aen liggende met allen hennen rechten ende
toebehoorten, gestaen ende gelegen bynnen sHertogenbosch
in de Vuchterstraet tussen huys ende erven genaempt
In den Engel, toebehoorende Christoffel van Chaem
aen d'een sijde te merctwaert ende tussen huys ende
erve eertijts Jans Sonmans daernae der
kynderen Jans Chielmans aen d'ander zijde,
streckende van der gemeynder Vuchterstrate
achterwaerts totten waterstroom daeraechter loopende,
soo hij verclaerde van de voorsz. Peeter Jansz van
Heeswijck ..., belovende de voorn. vercooper
super omnia hued waran omnes alias [stukje Latijn]
uutgenomen twee grontchijnsen
tesamen tot drie stuvers bedragende aen den hartoge
van den lande, eenen erffelicke chijns van vijftien gulden
aen Pouwels Vaessen, eenen erffelicke chijns van ses
gulden aen sekere bagijnen opten grooten bagijnhoff
deser stadt, eenen erffelicke chijns van vijff gulden
vijff stuvers aen Peeteren sone Jans Joris Damen
ende eenen erffelicke chijns van seven ponden Bosch payments /
aen de susteren convent achter de Tolbrug bynnen
deser stadt jairlicks van te voorens ende van rechtswegen
van ende uut de voorsz. onderpanden te vergelden, staende
soo hij vercoopere verclaerde ..., met
condicien toegedaen dat de voorn. vercooper dien chijns van
twintich gulden ten allen tijden sal mogen lossen ende quijten
teffens ten eenenmale off mette helft off met
een dordendeel teffens, te weten den geheele chijns
met de somme van driehondert carolus gulden tot twintich
stuvers den gulden gerekent, off die werde daervoer inne
alsulcke anderen goeden gelde ende tot sulcke valeur
als t'gelt ten tijde deser lossinge in sHertogenbosch
gemeenlic sal gancbaer wesen [stukje Latijn]
behoudelick dat de voorsz. vercoopere eenen
lossing telckenmalen een halff jaer tevoorens wittelick
sal vercondigen ende opseggen. Testes Van der Mere et
Renniers datum 28 January anno 1602.

Dank u gouwenee.

Zeer gewaardeerd.

Met vriendelijke groet,

Alex