Transcriptie akte d.d. 6-4-1624

2e blz.

Quam Peerken Jan Berthelmeeusdochter
wedue wijlen Jan Adriaensz Schuer, geassisteert met
Dingman Cornelis Goossens sone, als heuren gecoren
voight tot dese saecke, voor heurselven, Jan Anthonis
Berthelmeeus sone, soo voor hemselven als in den naeme
van Cornelisen ende Anthoni, sijne broeder ende suster,
voor dewelcke hij hem sterck maeckte ende deselve
hyerinne verving, ende Adriaen Joachim Ackermans
sone, als voight tot dese saekce alleene, ende Ael-
brecht Adriaen Martens sone, als toesiender, tesaemen
in den naeme van Berthelmeeus Jan Berthelmeeus soons
kynderen, hebben saementlijck vercoft Anthonisen
Barthelmeeus Gerrits sone, voor hemselven als in den
naeme ende tot behoeff van sijne broeders ende
susters, alsulcke paerten recht, actie ende versterfften
als henlieden is aengecomen ende vervallen bij doode ende /
afflijvicheyt van Neelken Meeus Geerits ofte van
Marijken heure dochter, ofte van Eva desselven
Meeus Geerits dochter, in ende van een stuck beemden,
groot int geheel omtrent drie vyerendeel buynders,
daeraff d'andere paerten ende gedeelten den voorsz.
cooperen van hon selffs wegen van te voren toebehooren
ende competeren, alsoo groot ende cleyn ombegrepen
der maeten als t'geheel stuck beemden voorsz. gemeyn
ende ongedeelt gelegen is in de Vucht tusschen de
dijcken, oostwaert aen Adriaen Huybrecht Rubbens
erve, suytwaert aen den groenen dijck, westwaert
aen Cornelis Peeters van Ghilse erve, ende
noortwaert [open plek] erve,
te vrijen etc. met sevenendertich stuyvers ende twee
oort, elcken stuyver van twee grooten vlaems t'sjaers,
den cappittele tot Breda ende metten ge-
rechten heeren chijns daer jaerlijcx uuytgaende,
sonder eenigen anderen commer gevest.
Actum anno XVIC ende vierentwintich, ses dagen in
Aprille.

Dank u Geert.

MvG

Alex