Tilburg RA (267) 1518

Cont sij enyghelijcken dat comen is vor ons scepenen onder geschreven Adriaen

ende Wilmen Adriaen Reynier Willaertsz ende heeft bekent ende geloeft als een

principael sculdenaer op hem ende op allen sijn goeden, die hij nu heeft

ende naemaels hebben ende vercrijgen mach, Jan ende Peter, ghebruderen,

zoenen Wilmen Willems Gerit Beryszoen ende Huybrecht Jan Gheritszoen,

honnen zwager, als dat hij henluyden ende honne erffenisse scaedeloos

ontheffen sal van allen alsulcken twe mudden roggen erfpachs als

Henrick Reyns jaerlics heeffende is op den aen voersz. ende sijnen erffenisse

ende voorts op zeekere gronden ende erffenisse, diewelcke Jan cum suis voorsz.

huyden des daechs hantplichtende ende bruyckende sijn ende hon van Willem

honnen vader voorsz. aencomen ende aenbestorven sijn, ende welck gronden ende

erffenisse voorsz. Henrick Reyns voorsz. opghewonennen ende metten rechte

vercoft heeft voer sijn achtste lalanghe pacht, nae inhout sijner scepenbrieve,

welcken coep van recht voorsz. een geheyte Lauwris die Wijsse genomen

hadde voer tghebreck van Henricje voersz. ende voer die staen van

recht denwelcken coep Lauwris voersz. overghegeven ende opgedraegen

heeft Adriaen voersz. nae inhout scepenenbrieve van Tiburch opgemaeckt

alsoe hij seede et ... in namen als voeren Jan cum suis voersz.

ende honne gueden ende erffenisse voersz. dat hij tot ewighen daghe hen scadelooes

daeraf ontheffen sal ende dat sij bij honne erffenisse blijven sullen

ombestoert ende onghemaent van Henricke off sijne naecomelinghen

aengaende d'voirsz. twe mudden rogge erfpacht voirsz. ende voorder nyet ende

allen commer ... hijnen ende scaey daerop commende altemael aff te doen

denselven date 12e February, scabine Vessem Berys