Een erg lastig stuk. Ik kan er niet meer van maken dan dit:
Wij Thomas Pinckmans ende Cornelis van Dijck, scepen in Oysterwijck
doen condt eenen yegelijcken rectsioeren voirder gerechte waerheyt hoe dat
op huiden date van dezen voir ons zijn comen ende gecomparaeert in propren
persoone, heer Coenraet Was, pastoir, heer van Gendt outse kerckmeester ende Grelis
Goossensz, oudste heyligeestmeerster der prochie kerkcken binnen der outheyt van
Oysterwijck als collateurs van sekere twee bursen gefundeert bij heeren Jan
van Onckel in den rijken fraterhuys binnen der stadt van Bosch,
verclairende dat nadien dien de voorsz. twee borsen was
vacerende zij opentlijcken in der lkercken van Osterwijck drye sondagen
den eenen naest den anderen sonder middel volgende hadden den
proclame dat degheene die hem d'best recht daertoe ware vermeten
te hebben zoude comen ende compareren alhier tot Osterwijck op heden
ende dat ten selven dage daerop gecompareert is Jan de Beir
Heliam zijnen zoon daer moeder aff was Marijken
huysvrouwe, dochter wijlen Pieter Peynenborchs, bij den selven Pieter ende bij
Elysabeth zijnder huysvrouwe, dochter Embrechts van den Brekel, tsamen verweckt,
bij certificatie thoonende dat de voirsz. fundateur
binnen Oysterwijck egeen meerder bloet en heeft die de naecomelingen
des voirsz. Emberts van den Brekel, thoonende oyck bij attesatie
dat den voorsz. Helyas bij den rectoir der schoolen van sHertogenbossche
geexamineert wezende, geadmitteert is als bequaem totten
sester leken te weten ad extam classem ende dat ten
selven geprefigeerden dage anders nyemant comen en is de
facto meerder off bequamer bloet thoonde dan een genompt
Gerit Brocken van Tilborch verbale te kennen gevende
dat hij eenen neve hadde genompt Adrianus naerder van
bloede ende oyck bequaem wesende, maer overmits dyen
daeraff prompte nyet en dede blijcken noch oyck de voorsz.
scholen in persoon en presenteerde, maer dat ter contrarie
bleeck dat deselve Adrianus Tilborch ten besten alleenlijck in octave
classe was frequenterden sij collecteurs nae langhe
ende rijpe deliberatie de voirsz. neve der voirsz. te weten de tweede
burse met allen heuren baten ende proffijten hebben geconeert?
den voorsz. Helyam de Beir Janssz van Oysterwijck, sonder argelist
den 5e Decembris 1567.
Frans
zei op donderdag 3 september 2020 - 14:24