Stad Utrecht 1551

Allen dengheenen die dese letteren sullen zien ofte hooren leesen doen wij verstaen, schoudt ende schepenen /
der stadt Utrecht, dat voer ons quamen int gerechte Metgen Herman Huejucks, weduwe ende heeren Beernt /
Hermanssoen, priester vicarius tot Oudemunster t'Uytrecht, ende gaven alse Metgen voerscreven mit hoers gecoren /
momboers hadne ende heeren Beernt voerscreven mit zijn gecoren voecht handt, daer sij elcx mit recht /
ende mit vordele aen quamen, ende zij gaven mit gesamenderhandt alse recht wijsde over Willem /
Heynricxz Crmere die alinghe, huyssinge ende hoffstede, gelegen opten hoeck van de Smeesteech /
aen de zuytzijde mitte woeninghen daerafteraen gelegen, mitsgaders alle glaes, glaesraemten /
eertvast ende negelvast, daer stenen die uut zuytwert ende ende oestwert ende die Smeesteech /
noortwerdt naestgeleghen zijn, ende zij verteghen daeroff ende van alle rechts ende toe- /
seggens, dat sij daeraen hadden, ende mede van allen brieven die daeroff ruerende zijn, /
tot Willem Heyndricxz behoeff voern. als recht ende oordele wijsde, dat zij schuldich ware te /
doen, ende sij geloeffdense hem mede te vrijen ende waren als erffcoop recht is na den rechte /
van den lande op sessendartich stuvers t'sjaers onteygen die die weduwe van mr. Rutger /
van der kerck noch op twyntich stuvers t'sjaers alse othephame van asch noch op thien phillippus - /
gulden (twintich stuvers voer den gulden) t'sjaers lossrenthen den penninck twintich /
alse Cornelis van Overen daer jaerlicx uut hebben ende anders alle voorcommen ende /
voorpechten off te doen sonder argelist. Dit geschieden onder heeren Johan van
Cuylenborch, ritter schoudt Heynrick Valckenaer, Anthonis Soeyt, heeren Crust van Nyenroode, /
ritter Adriaen van Lantscroon, Willem Bor van Amerongen, Willem van Hindersteyn, Johan Boll /
Gherit Pot, Cornelis Thin, Cornelis van der Maeten, Cornelis van Leeuwen, Roeloff /
Wijckersloot, Heynrick Ote, voecht van Rijnevelt ende Jan van Renesse van Cuylenborch /
die Jponghe, scepenen t'Uytrecht ende opdat dit vast ende staede blijve, soe /
hebben wij schoudt ende scepenen voergenoempt deser stadt groote zeghel /
aen desen brieff doen hangen t'eenen oirconde. Gegeven int jaer ons /
Heeren duysent vijffhondert eenenvijfftich den vijffthiensten dach van Mey.
A. van Lantscroen