Schuldeiser

Hierbij het tweede deel. De tekst loopt door tot op het bovenste deel van de rechterpagina, met 31 augustus 1562 als einddatum. 

Cornelis van der Dordt, goutsmit, debet

Aertus van der Strepen antharum latori

de somme van sesthiene hondert carolus

guldenen eens van viertich grooten vlaems t'stuck,

toecomende van gelijcke somme eens bij denselven

Artus hem comparant wel ende deuchdelijck

gedaen ende geleent, alsoo hij mits esen verclaerde,

welcke voorsz. somme van sesthien hondert

carolus gulden eens, hij comparant geloeft

heeft ende geloefde mits esen opt vonnisse

ende als oft hij alsoe dairinne gedoempt ende

gecondempneert waere, ter manisse des amptinus

bij ende met wethouderen vonnisse deser stadt

wel ende volcomelijck te betalene den voirsz.

Aertus van der Strepen aut harum lutori opten

twintichsten dach van Februario anno 1572

proximo absess ulterori, unde

obliganit ipse comparens ende stelde in handen /

de voorsz. sesthien hondert carolus gulden eens

opten voorsz. twintichsten Februario naestcomende,

nyet geheelicken ende al en betaelde bij hem oft

denselven hebbende deser brieve die hij tot dien

effecte in dien gevalle daertoe irrevocabelijck

is constituerende ende in sijne plaetse ende stelde,

stellende mits desen alsdan van stonden

ane de voirsz. twee huysen cum suo et pertinen

predicitis en voirdane alle sijne andere goeden,

voerscreven bij subhastatien ende executien te

worden vercocht bynnen drye vrijdagten nair

datum van den voirsz. twintichsten Februarii anno

1562, proximo bij openbaere

uytroepinge ende eenden iegelicken enen na bij

alsulcken onderleercoopen alst den voirsz, Artus

van der Strepen oft ende hebber deser brieve goetduncken

ende gelieven sal ende den cooper vandien dairinne

diarenteynden te goedene t'ervene ende vestigene

oft doen en laten goedene erven ende versigene ende

hem comparant daeraf t'ontgoeden t'onterven ende

t'ontvestigen, oft doen en laten ontgoeden, onterven

ende ontvestigen met brieven ofte anderssins, soe

t'selve nader plaerser oft ende steden rechte, dair

deselve goedenisse geschiede sal behoirt,

halm etc. warantschap etc. sijns comparants

persoon ende goeden dairvoren te verbinden, de

penningen daeraf comende t'ontfangen et quitandum,

en voirts al wairt gelovende ende

dit al sonder eenige voirdere proceduere van

rechte ofte evictie meer daeromme te dorven

doene in eeniger manieren, gelijck ende alsoft

sulcx al alsoe oick bij ende met vonnisse van

wethouderen deser stadt alsoe gewesen waere,

ende renunchierende ende verthyende hij comparant

tot noch meerderen effecte van alle desen van

allen previlegien, subterfugien, cautelen ende behulpen

van beyde den rechten, geestelijck ende weerlijck, ende alle

andere die hem jegens dese jegewoirdige eenichsins

te hulpen ende staden souden mogen comen /

ende int besundere van de rechte dicterende dat

gemeyne renunchiatie ofte veryhyen nyet en

doocht, ten sij datter speciale voirginge.

Sonder argelist.

Die ultima Augusti1562.

Hartelijk dank Geert. Dat helpt mij weer een eind op weg.

Met groeten,

Elsa