Op het Latijn na:
Ten versoecke van Elizens Liberts goutsmit.
Olivier Strobbe goutpurgheerder, oudt 42 jaren ende Herman
Sneeuwater, goutsmit, oudt 30 jaren, beyde op de inra..dant
aengaende een der kisten, aengecomen
zijnde te Schevelinghen bij den Haghe in Hollant uuyten scepe van
Gheerdt Danckaerts, scipper van Dort, waer inne waren
thien hondert dobbel merck
stucken een rondel, twee vilten hoetkens, een scheen van een
harnasch metten voet, wesende de mate van coninck van
Sueden, een paer broosekens ende een vuyl hemde,
dat zij wel weten ende waerachtich is dat alle tgene des
hier voeren gespecificeert is, toebehoorende is den voersz. Elizens
Lybels ende nyemanden anders, redene allegerende van
heurlieder wetentheyt, want zij affirmanten den voersz.
Elizens de voersz. rondel bynnen deser stadt sien maken hebben
ende dat deselve Elizens den voersz. coninck van Sueden
vercocht ende gelevert heeft eenen harnasch ende noch mederbengende
is de mate van den been desselffs conincx om noch een ander harnas
te maken, ende besunderlijck de voorsz. Olivier Strobbe want
aleer de tempeest opt water geweest is heeft de voorsz. producent
tem affirmant gegeven ende gedaen eenen gelijcken penninck oft
merckstuck omme alhier in de munte ende elders te doene ende
laten proeven, voorts hebben de voersz. Olivier Strobbe
ende Herman Sneeuwaeters geloeft ende zijn borghe gebleven,
geloefden ende bleven borghe mids dese,n elck een voer al voer den
voersz. Elizens Lyberts aen den rentmeester in den voersz. Haghe
oft anders die't aengaen mach, dat indien de voersz. Elizens
de voersz. penningen ende goeden boven gespecificeert t'onrechte ontfinghe
dat zij comparanten deselve penningen ende goeden weder te rechte
restitueren selen [stukje Latijn] ende elck henner
een voer al als volgt ende [stukje Latijn]
30e Juny 1562
Elsa
zei op zondag, 14 juli 2024 - 08:51