Op enkele woorden na:
Henricx soen wijlneer Jan Mercxsen die hij vercregen hadde bij Heylwigen Gielis
Jan Gielis dochter heeft wittelyc ende erffelyc opgedragen met eenen helmelinge vertijden
overgegeven cum littera de Oirschot et indbris Jannen soen wijlneer Jan Mercx
voirs. alle alsulcken acht loepen goets ende geefs rogge s'iaers erffpachs
daer Mathijs van Oirschot als Jan Jan Mercxsen geloeft hadde Henricken Jannen
Mercxsen zijnen wittigen broeder tot behoeff Henrick zijns wittige oers die
hij vercregen hadde bij Heylwigen Gielis Jan Gielis dochter zijnder wittige huysvrouwe
voirs. alle jaere op Lichtmisse vuyt huys, hoff ende erffve daer aen gelegen
omtrent acht loepensaets groot, tot Vorsterbest inden prochien van Oirschot
gelegen, d'een zijde aen de Dyckerstraet, d'ander zijde ende beyde eynden
aen Agnees Weyten ende hueren dochter erve. Item noch vuyt eenen stuc
lants omtrent loepensaets groot, daer eenen vaerwech over geet ter voirs.
plaetse gelegen, d'een zijde Bertha Dircx Bruynen dochter erve, d'ander
zijde aen Jan Beerckens, d'een eynde Goyaert Gielis ende Henrick Aerts
ende d'ander eynde Henrick Har..sch..ck.. Prout [...] littera de Oirschot
plenius continetur. Gelovende super se etc. et opdragen, overgeven ende
vertijden euwelyc vast ende stedich te houden ende allen commer van zijnder
weegen daer inne aff te doen. Actum IIa february
JW Merkx
zei op woensdag 7 juli 2021 - 16:27