Magriete Vander Hoeven Lambrechts dochtere wedewe
wijlen Jan Gielkens geseten ter Horst onder Schooten cum tutore
vercocht Cornelise de Deken Claus sone wijlen oic aldaer geseten
tsjaers erflic een zester rogx op een stede met huijse hove
schueren stalle lande eeusselen fundo et pertinentiis groot
omtrent twee gemete geheeten Bils stede gestaen ende
gelegen inden Horst voors tusschen de Gheerbeke westwaert
ende der wedewen Meeus erve oostwaert, comende
noortwaert aende sHerenstrate. Item op noch een buynder
lants cum fundo et pertinentiis geheeten tDuyfhuysblock
gelegen inde List inden Laerackere gelegen oic aldair
tusschen Jan Gielkens erve west ende oostwaert.
Item op noch omtrent een half buynder lants cum fundo
et pertinentiis geheeten Tynden stuck gelegen aldair ...(?)
tusschen des voirs Jan Gielkens erve west ende oostwaert.
Item op noch een half buynder lants cum fundo et pertinentiis
gelegen aldair inden Ruelen(?) tusschen Jan Ghijsels erve
noortwaert ende der selver Magrieten erve zuijtwaert
comende oostwaert aen de strate. Ende op noch omtrent
een half buynder lants cum fundo et pertinentiis
geheeten den Laeracker gelegen oic aldair tusschen Jan Gielkens
erve zuijtwaert ende Bertelmeeus ......(?) erve
noortwaert. Dandum prima maij ende te leveren
tAntwerpen metter Antwerpscher maten los ende
vrij van allen schote uter stede etc. Sonder etc. Te waerne
op achte moeken rogx erflic Henricke Vande Werve
dair jairlicx vore uutgaende [pro litteræ?] ende anders nyet
Gebraeck yet se et sua. Salvo quod ipse aut sui quitabunt ad
placitum teenenmale met negene ponden grooten brabants eens ende
met vollen pacht
Gerrit Verhoeven
zei op vrijdag 10 februari 2023 - 21:33