Ave Jesus Maria
Joanna
Aflaeten der teckenen der Ave Maria van de
salich Jenne de la Croix, alsoo van de original
als deghene deselve aengerackt sin bevesticht
dor den Paus Urbanus 8 int jaer 1640
tot versock van den ambassadeur van Spagnen.
Ten eersten alle die een van de vorseide
graentkens bij hem hebbende lesende sal een
Ave Maria verdint den aflaet van de pinen
tijtelick al oft hij duysent Ave Maria lesde
2. Die een van de vorseide graenkens draghende
lesen sal eenen Pater Noster, alle daghen hij sal
3 sielkens verlossen ut het vaghevier ende
lesende 2 Pater en Ave op sondaghen oft festdach-
gen sal der 6 verlossen, verlent dor den Paus
Adrian 6, Clement 8 en Paulus V.
3. Die een van vorseide grankens over hem
draght, gebicht sinde en gecommuniciert vor
elcken Pater en Av verlost alsoo veul sielen
ut het vagevier dor den vorseide pausen.
4. Die een van de vorseide graenkens over hem
draght, gebicht sinde en gecommuniciert
seggen sal eenen Pater Noster verdient
vollen aflaet en vergiffenisse der son-
den. Adrian 6, Gregorius 13, Paulus 5.
5. Die drimal lesen sal den Pater en Ave
's mandachs wonsdachs vridagh verdient
3 jubilee elcken dach en mach eenen
toeeyghenen vor sij selven, den 2 aen die
het hem belieft, den 3 aen die siellen
des vageviers. Dit is aan de H[eilige] Joanna
selfs gegunt, gevest, bevesticht dor
Gregorius 13 en de andere vorseide pausen.
6. Vollen aflaet en vergiffenisse van
alle sonden in uterste oft dootsnot
in articulo morte
Christa Driessen beheerder
zei op vrijdag 16 juni 2023 - 13:37