Copie
Robert, grave van Leycester, baenderheere van Denbigh etc., lieutenant van haire maiesteyt
van Engelandt, governeur ende capiteyn generael der Vereenichde Nederlantsche provintien. Allen dengeenen
die dese zullen zien ofte hoeren lesen, saluyt. Doen te weeten dat wij vuyer de oetmoedighe suplicatie
aen ons gepresenteert vanweghen d'ingesetenen van Raemsdocnk, Waspyck, Cappelle, Besoyen ende Sgravenmoer,
wesende Zuythollantsche dorpen, geleghen in de Langestrate, verstaen hebbende, dat honlieden (overmits die meeste
gelanden ende rijcxste buyten heurluyder jurisdictie residerende) qualijck mogelijck is de maentlijcke contributien daer-
op zij gestelt zijn op te brenghen, de voorsz. ingesetenen ten dyen respecte ende omme andere goede consideratien ons
daertoe bewegende, bij advis van die van den Rade van State neffens ons wesende ende de Gecommitteerde Raden
van de Staten s'lants ende Graefflickheyts van Hollandt, geconsenteert ende bewillicht hebben, consenteeren ende
bewillighen mits desen de helfte van de voorn. hare maentlijcke contributie ende lasten bij hunlieden geleden
ofte noch te lijden, te moeghen ommeslaen op de mergentalen ofte mergentaels gelijck onder heurlieder resoirt
leggende, waerinne de bruyckers zullen moeghen corten den eygenaers aen haerlieder pacht den achsten penninck,
mits dat d'zelffe bruyckers gehouden zullen zijn t'zelffve te verschieten, consenterende voirts dat bij ffaulte
van onwillicheyt de schouten respective d'aenpaert van deselven onwillighen t'haren laste op dubbel gelt zullen
moeghen lichten, dit alles bij provisie ende tot onsen wederoepen, casserende alle belet ende wedersegghen ter
contrarien. Gedaen binnen der stadt Utrecht den achsten dach May XVC zessentachtich, de Markerke,
ende was onderteyckent Robert Leycester metten groeten zegel ende leeu mette pijlkens in den roden wassche
daer beneffens gedruckt, ende noch leegher stondt geschreven Ter ordonnantie van zijne excellentie, ende was onderteyckent Van Langen.
Gecollationeert jegens d'orginale ordonnantie geschreven,
bezegelt ende onderteyckent als voorsz. staet ende is t' inhouden
vandyen mits desen bevonden accorderend van woorde tot
woorde desen XXXe May anno XVC LXXXVI stilo novo. Bij
mij als secretaris tot Raemsdocnk, 1255
Melis Cornelisz 8556
Astrid de Beer beheerder
zei op dinsdag 28 februari 2023 - 16:03