Nog twee testament bestanden van Reede

Ter instantie van den Edelen Erentfesten joncker
Willem van Oostrum, schoudt tot Wijck, voir
hemselven, ende alsmede schriftelicke
last hebbende van den Edelen Erentfesten joncker
Gerardt van Reede, heere tot Nederhorst,
als voochden ende mombaers van de kynderen
van salige joncker Frederick van Reede, heer
tot Amerongen, geassisteert mit joncker
Alexander van Tuyl, here van
Serooskercken, zijn swager, hebben wij onderschreven
schepenen tot Amerongen ons op huyden
vervoecht bij den drossardt Gijsbrecht van Reede
ende hem aengeseyt, dat alsoo haer E. hier
tot Amerongen gecomen waren ten eynde omme
te annoteren ende te doen aenteyckenen die
mobile goederen, bij den voorn. here van Amerongen
achtergelaten, ende op den huyse tot Amerongen
sijnde op seeckere camer, daervan haer
E. bericht waren die sloetel in dese voorsz.
drost bewaernisse te wesen, dat hij
daeromme d'selve camer zoude willen openen ofte
die sloetel haer E. verhantreycken, t'welck
den voorseyden drost refuseerde, seggende sulcx
niet van menonge t'sijn eer ende bevorens zijn oom,
die here van Saesfelt (als wesende haere
momber) alhier tot Amerongen gecomen zoude
zijn, t'welcke hij vermoyden onlancx, ofte emmers
binnen thien ofte twaelff daegen te zullen
geschieden, hebben ten versoecke als boven
daernaer denselven drost mede aengeseyt
dat hij haer E. oeck zoude willen verthonen
alsulcke mobile als van denzelven boedel tot
zijnen huyse tegenwoordigh waren,
waerop hij ons verclaerde te persisteren
bij zijn voorgaende antwoorde, ende heeft
de voorn. joncker Willem van Oostrum in de /