Leids accoord 1325

Mijn vewrbetering/aanvullingen zijn met geel gemarkeerd.

Wi Jan van den Rine Scoute Dieric van der Dobben, Jan van der Breghe, Tomasz Jans sone Heyne [milde], Reynier Gouburghs sone, Ghereit
Heyne [votiers] sone en ian van Brabant, scepenen, Willem van der Are, Hughe van der Brugge, Pieter Gouburghs sone ende Dieric Vrancken sone
raetslude van der [porten] van Leyden [maken] cont alle luden dat wi bi v[er]zoeke van [zommen] onsen porters die capelrie gheset hebben
in Sinte Pieterskerke te Leyden te [verdiene] daer si of verstonden dat die landcomelduer van duytschenhuys tote Utrecht die gifte of gheven
wilden om dat sine papen dier kercken ghebruken ende want onse porters v[er]sekert wilden weten dat si ende haer erfname die ghifte behel
den van de capelrien, of si wilden se in anderen kercken doen [verdienen] dat onser porte vorseyt een groot afterdeel gheweest sonde hebben
waeromme wi senden hen dieric onse prochipape dieric van haerlem en hughen van der brugghe onse porter tote Utrecht en den land
comelduer an de huyscomelduer ende an den ghemene convente van den duytschenhuyse ende deden hem dese redene toghen ende deden hem
bidden dat si onse stede ende onse porters vorseyt daer of in ruste zetten. Onse porters vorsz brochten ons weder antworde dat die landcomel-
duer van huys was ende dat die huyscomelduer met den ghemene convente [zegheden] dat die landcomelduer cortelike thuys comen soude
ende dat si hem daer op ghemeneliken beraden souden en die landcomelduer soude comen tote Leyden en ons ene andworde daer of
gheven. Daer na quam een eersaem man he[tende] Jan van Hoenhorst landcomelduer van der balien van den duytschenhuyse [ontrecht] tote Leyden
des Saterdaghes vor onser Vrouwe Dach ter lichtemisse en gaf [orlof] in onse teghenwordichede om bede willen ons liefs heren
des [grave] van heyneg[ouwen], van Holland, van Zeeland, en heere van Vriesland, bi v[er]soeke van ghevaerde alewins sone en om onser beden
willen bi v[er]soeke van alrehanden luden van onsen porters van Leyden vor hem en vor sijn […ent] van Utrecht bi [goid denken].
ons prochiepape [haren] dieric van Utrecht haren Andries van Leyde ende [heren] Willems van Dordrecht diere jeghewordich wa-
ren alse dat men heren Pieters van Leyden vier capelrien, haren Heyne kinderen, Katerine Pols capelrien, heeren Hughen en heren
Bertholomeus van Leyderdorp twee capelrien, Gheraerd Allewiins soens capelrie en Gheye Gouburghen soens capelrie verdienen
zal daghelix in Sente Pieters kercke te Leyden in alle manieren als die capelrien gheset sin en dat die erfname daer of ewelike die gifte
van de capelrien behouden en [gheven[ zullen sonder arghenlist behoudelijke der moderkercke in allen anderen poynten haer recht. En dese
poynte voirscreven zeghede hi vor ons dat hi dede met vorsienichede ende met ghemene [overeendraghen] van sinen [convente] van Utrecht
en want wi hier over waren zoe hebben wi desen brief beseghelt met onsen ghemenen poortseghele. In kennesse van alle dinghen vor-
screven. Ghegheven tote Leyden des zonnendaghes vor ons vrouwen dach te Lichtmisse int iaer ons heren 1300 vive en twintich."

Hallo Geert,

Hartelijk dank voor het nalopen een aanvullen van deze tekst !

NB: deze acte bezegelde het accoord m.b.t. de genoemde kapelrieën. De kerk (Duitse Orde) wilde dit onder haar vleugels krijgen, maar de oprichters wilden dit niet, en hadden gedreigd de kapelrieën anders te verplaatsten tot buiten de stad. In de euforie van het bereikte accoord is men echter vergeten de tegenpartij te laten tekenen, dus de acte was in juridisch opzicht van nul en generlei waarde.