Item dezelve Loys Verdiepmeren,
man van ontrent eenen dachwant
lants, gelegen binnen Buggenhout in
Buskens Eussele, comende metter
eenen zijden aen Peeters Verdiepmeren
goet, ende der vorsz. dachtwant
leght onverdeilt metten vorsz.
Peeteren Verdiepmeren.
Ten jare, dage, ende present de mannen over d'ander zijde
van dese gescreven, heeft Daneel Verdiepmeren
ontfanghen t'vorsz. dachwant leens naer de doet zijns
vaders, Loy Verdiepmeren
Opten Ven January anno XVC LIII heeft Daneel van Diepmeren
opgedragen in handen Robbrecht van Bouchout, stadthoudere,
tot behoeff Franchoys Crabbe, absent, het voirscreven
leen, present Daneel ende Peeter van Bouchout, Franchoys Huysman,
vervangende Laurens vanden Bossche, als mannen van leenen
Opten XXIe Marty anno voirsz., stijl van Brabant, heeft
Franchoys Crabbe, in absentie van de voirsz. Daneele van Diepmeren
uuyt handen Robbrecht van Bouchout, stadthoudere, ontfangen het voirsz.
leen, ende daeraff in handen desselfs den behoirlijcken eedt gedaen,
present Jan van den Zande, Franchoys Huysman, Laurens van den Bossche
ende Peeter van Bouchout, mannen van leene
Adriaen van den Kerckhove heeft te lene ontfanghen als
besetman van Thomijnen Crabbe, sijnder huisvrouwen behoeff,
dochter Franschoys, het voerscreven dachwant, verschenen
bij der doot van Franschoys, voersz. haers vaders, de voirgenoemde
Adriaen heeft hieraff hulde ende eedt gedaen desen XXIIII dach
augusty anno XVCLXX, present heer Oudaert, stadthoudere, Willem Reygere,
Geerdt Moens, Jan Smet ende Robrecht Aelbrechts, mannen van leen
Opten IXen dach Jannuari 1590 sijn gecompareert voir stathoudere
jonckheer Wilhem Boyenhals ende mannen van leene Joos van
Mechelen, Aert van Wemele ende Mathijs Goosens, de naeste vrinden
van de ombejaerde kinderen wijlen Anthonyne Crabse, te wetene Anthonis
van den Kerchove met Paeschier Meyskens ende de voirsz. Anthonis heeft
als besetman, tot behoeff van de voirsz. kinderen, verheven voirsz. perceel
van leene in susterlijcke ende broederlijcke deylinge ende gedaen de behorelijcke eedt
ende blijft daeraff sterffman Fransken van den Kerchove Adriaensse
Carlo van Eysendyck
zei op maandag 22 mei 2023 - 07:29