Bugghenhoudt.
Item Lodewijck Goessens, gheheeten Luedens,
houdt de twee deelen van een dachwant
meersch, gelegen upt Smael Brabant te
Cuyctelgem, metter eend(er) zijden neven de
Scelde ende metter andere aen shee(re)n
van Buggenhout meersch.
(nota in de marge betreffende het eerste deel):
Dit parceel light int Scelde, daerom gheroyeert, staet int naervolgen(de) besunder leenboeck des landts van Grimberghen, gheq(uoteer)t met de l(ette)re O fol(io) 78.
Adriaen van Nuwe(n)hove heeft te leene ontfaen bij
co(n)sente van Gielis van Nuwe(n)hove, joncxste bruerders
des voirscreven Adriaens, een besloten block, groot tderde(n)deel
van vijff dach(wan)t, daer Marie vanden Neervelde hier voere
folio LXXXV de twee deelen aff heeft, gelegen in de
prochie van Bugghe(n)houdt, gemey(n)lijck geheeten sPapen
Veldeken, metter eender zijde aen tDiep(er)meeren strate,
metter ander zijde aen de goeden van Machiel Heyma(n)s,
metter derder zijde aen de Cleen Langhehaghe en(de) metter
vierder sijde aen Marie vanden Neervelde voirscreven, en(de)
want dit voirscreven leen niet overgebracht en is geweest
int jaer van veertich en(de) als nu ter kennessen gecomen is is
vanden stadthoudere, ergo heeft het selffste doen ontfanghen
en(de) alhier te boecke gestelt, actu(m) den XXIten.van mey january a(nn)o LXI
p(re)sent Oudaert, stadthoudere, Geerdt Moens, meyer van Bugghe(n)hout,
Ama(n)t Goosens, Jan Leure(n)s, meyer van Bugghe(n)hout, Joos
van Praedt, ma(n)nen van le(e)ne.
Item te selven daghe heeft Joos Moens, smet tot Bugghe(n)hout, man
en(de) mo(m)boir van Elisabet Heyma(n)s, te leene ontfaen als besedtman,
daer sterffvrouwe aff blijfft Elisabet voirscreven, tderde(n)deel
vanden vijff dach(wan)t en(de) dat bij mangelinghe, gedaen teghen
Adriaen van Nuwe(n)hove bovengescreven, daer voere de voirghen(oemde)
Joos heeft gegeven onder halff dach(wan)t lants onbegrepe(n) der
maeten, cheyns goedt des heere van Grimberghen, gemey(n)lijck
geheeten den Eertschaert, p(re)sent stadthoudere en(de) ma(n)nen boven
gescreven. Overmidts de voirs(creven) besetma(n) overled(en) is, soe
heeft de voirs(creven) Elisabeth opden XXIIen. may 1578 gestelt
een(en) anderen besetman, ^ genaempt Joos Heymans, ^ voer stathoude(re) Willem Boyenhals en(de)
man(nen) van leene Gielis van Eeckhoute ende Joos Heymans.
(nota in de marge betreffende het tweede deel):
Staet int naervolgende boeck fol(io) 399.
Carlo van Eysendyck
zei op maandag 22 mei 2023 - 18:14