Bugghenhoudt
[nota in de marge:]
Staet int naervolgende
besunder leenboeck
des landts van Grimberghen gequoteert
met de lettre O.
folio 79
Item Gillis vander Elst zone Claes,
man van eenen vollen leene, te wetene
van eenen chijns van XI scilden Vlaemsch
up XI bunderen ende II dachwant erfs te Buggenhout
gelegen, gheheeten den Chijns ter Bueken,
welcken gront van erfven diverssche
persoenen houdende zijn, derwelcker persoenen
esser XIIII te wetene
Op den XXVIIen aprilis anno XVC LVII heeft
ontfangen Willem Reygher den voirscrevenen chijns als besetman
tot behoeft vanden erffgenamen wijlen Katelijne
van der Elst, zoe wel van der moederlijcke zijde
als van den vaderlijcke zijde, dairaff dat sterffman
is Adriaen van der Elst, zoene Gillis, actum
Robrecht van Bouchout, stadthoudere, present Lambrecht
van den Weesenhaghe, Jan van den Zande, Pauwels
van den Voirde, Daneel van Bouchout, mannen van leene
Op heden desen XXIXen aprilis anno 1575 heeft jouffrouwe
Cathelijne Duys, naer de doot van Adriaen Verelst
ontfangen, dit vorsz. volle leen, als erffgenaem
van wijlen Cathelijne Verelst, haer nichte, waervan
de proprieteyt gedevolveert is op jouffrouwe Cathelijne
Duys, ende de tocht is besittende Willem de
Reyger, hieraff is besetman Huybrecht van den Blu?
zone wijlen Jans, daer moeder aff is de voirsz. Cathelijne,
ende heeft hieraff den voirsz. Huybrecht hulde ende
eedt gedaen aen W. van der Bergh als stadhoudere,
present mannen joncker Philips (Claes?) van (Ouynents?)
ende Hendrick van den Dijcken
Carlo van Eysendyck
zei op woensdag 24 mei 2023 - 06:32