Bugghenhoudt
[nota’s in de marge:] precedentia vide folio 74
Dit leen is ghesplethen
vuyt het volle leen
staende hiervoer
op Heinrick Criecken
folio 74
Staet int naervolghende
besunder leenboeck
des landts van Grim-
berghen gequoteert met
de lettre O. folio 8
Jan Verhoeven heeft te leene ontfaen, als besetman ende oick voecht
ende monboir van den kinderen van wijlen Andries Dierix, daer
moeder aff is Marie Yevens, dry ende een halff dachwant lants,
geleghen in twee stucken ierst een halff bunder
lants, gelegen opt Wijvelt, comende metter eender zijde aen t'sheeren
strate, metter ander zijde aen Jans van Praedt goet, item
noch anderhalff dachwant, geheeten Steenvelt, comende metter
eender zijde aent Wijvelt, metter ander sijde aen t'sheeren strate,
tertia aen Jans van Doerne goedt, tot behoeff van den
kinderen van Andries Diericx, voorsz. in bruerders ende susters deylinghe,
ende dat bij coope teghen Cristiaen de Moor, ghespleten vuyten
volle leene van Cristiaen de Moor, hier voere folio LXXIIII ende
gederft bij Geerden Moens, meyer van Bugghenhout, procuratie
hebbende van Cristiaen voersz., irrevocabel gepasseert voer scepenen
van Bugghenhoudt van der date den XVIIIen dach junii XVC LXIIII alsoo
Joos Vermeeren ende Joos Muyshout vercleerden, de voergenoemde Jan
Verhoeven heeft hieraff den behoirlycken eedt gedaen, ende Jan
Diericx, zone Andries, blijft hieraff sterffman, actum desen
desen XXVIIIen augusti anno XVC LXV, present heer Oudaert, stadtshoudere,
Jasper Pinnock, Joos Vermeeren, Jan Lemmens, vervangende Anthonis
van den Strich, mannen van leene
[nota in de marge:] IIIIa fol(io) 18. art. 5.
Peeter Mortgat heeft ontfangen als besetman dit leen, ende daer sterffvrouwe
aff blijft Magriete Schepers, present Jan Tassijns meyer, ende Dominicus van de
Stricht, den 26 february 1587
Carlo van Eysendyck
zei op woensdag 24 mei 2023 - 06:58