Onder voorbehoud:
Bugghenhoudt
Item Mathijs van den Heyden,
zone wijlent Mathijs, man van eenen vollen
leene in de prochie van Buggenhout,
gelegen in diverssche stucken, te wetene
in ’t gheheele groet ontrent acht bunders
daer af de II bunders zijn bosch gelegen
ten Houwe tusschen ’t groenendal an den
zijde van de jouffrauwe wylent Ysabel
van den Houwe aen d’ander zyde, item zes dachwant
lants op de lange haghe gelegen metten
enen ijnde op de zoe ende metten ander
ijnde an Jans Brabanters stede, idem
noch drie dachwant lants op de vorsz.
lange hage, gelegen tusschen Augustijn
van den Cameren goet an de eenen zijden ende de
Camerstrate an de andre zijde, idem noch
VIII dachwant lants op’t holaer tusschen de
strate an de eenen ende ’t godshuys van Affligem
an de andre, idem vyf dachwant bosch
geheeten hoevelde tusschen Jans
s'klosmakers goet an de eenen ende Pieters
van den IJnde goet ter andre ende
tot desen vorn. leene behoeren IIII ceurgoeden
ende eenen chijns van XII stuvers IIII dag lonen XV hoenders
II capprijnen, twee oudde yngelschen,
vyf oudde myten ende 2½ vercelen (eneme?)
ende daertoe thien laten.
Dit vors. volle leen es gespleten ende
gedeilt als voer d'een heelft folio XXVIII ende naer
up Amelberghe van den Heyden dochtere
Mathys ende vande d’ander heelft
folio XCIX op Marie van den Heyden
dochter Mathys.
Carlo van Eysendyck
zei op maandag 8 mei 2023 - 20:57