Heer Johan van den Sande was die 17e
lantcommendeur van der balie van Utrecht 11
jair lanck, hij was ierst scessenaer langhe
gheweest ende had alte wel regiert seer
geestelick nae sijne oirdeno regelboeck
ende ghinc sijnen heren ende broederen in allen
dinghen voir, hij was sacrichvoldich om
den heeren in allen dinghen hoir noodreft
the hebben ende alle daghe haren wijn, hij
dede in der kerck Sinte Elizabeten capelle
sijn eren, hij dede dat huis van Middelborch ende die capelle van nyeuws /
tymmeren ende gaff daertoe dusent cronen ende het costen 107 hondert /
cronen ende hij verlijchten dat huis van stuer van tijns ende van heren /
ende allen onraet ter tijt thoe dat die 7 hondert cronen vervallen waren /
hij dede dat van Oesmaerschen seer verbetteren, hij dede dat huis van /
Buy ende die capelle van nyuewes vertymmeren ende voel ander husen de- /
de hij verbetteren, hij leide int huis van Scalune groet gelt alle jair /
een wil tijts dat soe seer then achteren ghinck om des quaden dicks /
wil die't hadde, mer hij maeckte altijt weder the voren, hij coft aen't /
huis van Utrecht voer hondert Vrancrijsche scilden des jairs eerstlick /
ende ende daer toe menich scoen merck silvers aen kannen, aen nappen, aen scalen /
ende crusen, dick hefft hij meest alle die boecken in choer costelick ende /
nyuewe doen scriven, ende als dese guede heere al dinck aldis wel /
ghemaect hadde, soe wert hij van sommighe persone vermaect aen den /
meister van Duytslant om dat sij selve gheern lantcommendeurs gheweest /
hedden, ende die lantcommendeurs woude gheen onwreede hebben thegens /
den meister off thegens yemant ende hij badt van den lantcommendeur- /
scap ende nam sijn gehmack in die Forincrijc myt enen knecht of /
twee ende als hij off ghinck leverde hij voel gelts in der scesscrie ende voel /
coerns opten solre ende voel sommen van geldts die men den huse sculdich was
Alexander van de Zand
zei op donderdag 12 augustus 2021 - 11:35