Oirkonden dat wij dair bij an ende over waren alsdair Andries Hugensz [...]
ter eenre, ende Geertruyt Cornelisdochter, Mees Dircxsz weduwe, ter andere
tsijden tsamen vergaderden in wittachtigen hylicke eer dat [zij]
bij malcander te bedde ghingen in sulcker manieren ende hylicxe voirwairden
als hier nae volget ende bescreven staet. Dats te weten, wair't
sake dat Geertruyt voorsz. oflivich worde voir Andries
voirn. sonder levenden wittachtigte blijkende geboirte bij hem gewonnen
after hair te laten, zoe sullen hoir erfnamen nae hem nemen
ende dair mede of staen die somme van acht hondert rinsche gulden
van veertich groot tstuck, te weten vijf hondert rinsche gulden,
die Geertruyt voorsz. in hylicke an Andries voirn. gebrocht heeft,
dair inne gerekent zullen worden hoir clederen, cleynoden ende juwelen
die zij after gelaten heeft, ende drie hondert rinsche gulden die
Geertrtuyt voorsz. hair vier weeskinderen, gewonnen
bij Mees Dircxz voirn., bewesen heeft voor hairs vaders erve,
achtervolgende den bewijs brieff dair van wesende, ende alle die
andere goeden in haren boedel blijvende sel die voorsz. Andries eygelick
ende erflic behouden sonder yemants wederseggen. Ende wairt
sake dat Alijdt, Cornelis Jansz. weduwe, des voorsz. Geertruyts moeder,
oflivich worde voor Geertruyt, hair dochter voirn., zoe sel dese
voorsz. voirwairde of doot ende te niet wesen, ende sullen alsdan des
voorsz. Andries ende Getruyts hoir beyder goeden gedeelt worden halff
ende halff na den rechte van de stede. Voirt zijnt hylicxe voirwairden
wairt sake dat Andries voorsz. oflivich worde voir Geertruyt voirn.
sonder levende wittachtige blijckende geboirte bij hair gewonnen
after hem te laten, zoe sullen hair beyder goeden oick gedeelt
worden halff ende halff, te weten Geertruyt voorsz. die een
helft ende Andries voornoemts erfnamen die ander helft. In oirkonde in
Louis van Veenendaal
zei op vrijdag 5 juni 2020 - 08:47