Met wat hiaten:
In den namen des Heeren, amen. Bij den inhouden van
desen tegenwoordigen openbaren instrumente zij een
yegelick kenlijck ende openbaer dat in de jaere nae de geboorte
ons lieffs Heeren Jezuu Christi duysent sesshondert ende
negen, des Donderdaechs den 12 des maents October
tuschen vier ende vijff uuren nae den middach off daerontrent
in mijns openbaeren notaris bij den Hove van Utrecht
gaedmitteert ende getugen in desen hiertoe gerequireert,
presente ende tegenwordich gecompareert ende
verschenen zijn in haerluyder eygenen propre personen
Jan Willemsz van Hensbroeck borger t'Utrecht,
zieckelijck van lichame opt bed liggende ende Margriet
Jans zijne huysvrau haer verstant nochtans zij
beyde t'gebruyck haerluyder redene ende verstant volcomentlijck
soe wij notaris ende getugen anders nyet anders
bemerkende en waren door Godts gracie machtich zijnde
ende hebben zij comparanten mae naevolgende ende
door clacht over sekere openene besegelde brieve
van ... s'hooffs van Utrecht daertoe
gracieuselijck verleent weesende van date den seste
drie uuren na den middach ons notaris ende
getugen claerlijck verthoont, die een ende
andre reciproce gelijftocht gelijftocht ende
den anderen reciproce ... in g'allegeert hoe
wel ... vermelde huys, hoff erff ende
gront ... huysraet, juweelen, clederen, cleynodien,
gelt, gout, silver, gemunt ende ongemunt, schult
ende uutscult nyet van als uutgesondert, soe waer
ende tot wat plaetsen die oock gelegen zijn ende
bevonden moghen worden also die eerstoverlijdenden
van beyden boven schult ende doortschult metter
doot ruymen ende achterlaten zall omme
alle d'selve goederen bij de langstlevende van beyden
gebruyckt ende beseten te worden in rechten lijftocht
ende ter lijftocht recht deselve langstlevende
levenslanck geduyrende ende nyet langer welverstaende
nochthans dat soe haest die langstlevende sal
comen te hertrouwen dat alsdan die vorder reciproce /
MC
zei op woensdag 17 juli 2024 - 22:21