Die Prince van Orangien, grave van Nassau etc.
Heere ende Baroen van Breda, van Diest etc.
Eersame vrome, lieve, besundere, u schrijven aen ons
gedaen, hebben wij t'onser aencompste in deser stede
ontfangen, ende zijn grootelijck verblijt geweest
daerbij te zien de goede neersticheyt die ghij zijt
doende, ende den vlijt ende yever die ghij metten anderen
capiteyenen ende crijchsluyden bij u zijnde, dagelijcx
lanc zoo meer bethoont, soo mij oyck noyt
anders van ulieden verwacht en hebben willende
daeromme nyet laten u des van goeder herten te
bedancken, ende zoo wij nyet en twijffelen, off
ghijlieden en zult daer inne altijt volherden, moeght
ghij u van gelijcken wel verzekert houden dat Godt
Almachtich dien te meer allen uwen arbeyt zegenen
sal, ende van onsentwegen willen wij oyck ter
gelegener tijt gheerne zulcx met alle goede
danckbaerheyt tegens ulieden bekenenen, ende zoo
wanneer ons die gelegentheyt voircompt om u in
eenighe zake te gebruycken, en zullen wij nyet laten
u dien goets tijsts te verwittigen, begheerende ghij
midler tijt u in dien quartiere houdet, gelijck als ghij
tot noch toe gedaen hebt.
Eersame vrome, lieve,besundere onse heere Godt
zij met u. Geschreven ot Leyden opten
VIIIen dach van Junio 1573.
U goede vrient
Guilleaume de Nassau
Paul Buitenhuis
zei op donderdag 1 oktober 2020 - 14:39