Heytgraafschap Wijchen 1.

Den eirsamen wiesen ende voirsichtigen burgemeisteren, scepenen

ende raitmeisteren van Sente Nicolaesgilde der stat

Nijmegen, onsen bisonderen lieven heren ende gunstige vrienden.

Thoenen ende geven wij samenlicke nabueren ende geërffden over die tersch

langhe Wychenre heyde ende dairomtrent in den scependom van Nijmegen

geërfft wesende, uwe eirsamheiden ende frome lieffden oitmoedelicken ende

onderdanighlicken toe kennen, dat ende woe onse voiralderen ende nabueren

saliger van alts gewoenlick ende gebruyckelick sijn geweest die Wychensche

heide tot behuerff oerre beesten ende anders tot oeren profijt toe gebruycken,

gelijck die kerspelsude tot Wychem onbecrot ende onbecroent van elcker malck

sonder ennygen oerloff ter tijt van yemantsz deshalven toe gesinnen off

ennygen kommer int groet off int cleyn dairaff toe geven off toe doen

dair ennich man aff heefft hoeren off weten seggen ter tijt toe dat Jacob

van Galen saliger toe Wychen woenafftich (mit geen recht off gewoenten

dan durch vrientschappen) een lyffnise begeerden van denselven nabueren

ende geërffden over die tersch, hebben sij oen sulcx nyet willen weigeren

mer vrientschap ende lieffnisse beweesen als dat sij oen gaven een vet lam

off een roeff botteren, off een paer hoenre, off dergelijcken, elck nae sijnen

staet, ende gebruickten die heyde tot oen schoensten gelijck die van Wychen

heeft Rutger van Galen, sijn soen saliger, van die lieffnisse een

gewoent willen maicken ende heeft sulcke lieffnisse willen besweeren

ende gebrocht op enen hamell aen den rijcksten ende andere daironder

nae advenant oerre rijckdomme, gesan hij die nabueren s'jaers eens

toe dienen, soe maickten hij oer gueden cyer, is Jacob van Galen, sijn soen,

naderhandt gecomen ende heefft dat gedrongen opten sommygen op twee

golden rijders s'jaers, sommygen op enen rijder, sommygen op enen

brabantsche gulden, voirtaen nae advenant, ende aengesien dattet

(Got betert) een tijt van drangh ende dwangh geweest is, dat van etzlicken

transinieronge ende gewalt gehandelt is worden, dair elck voir beducht

ende gegruwelt heefft, hebben wij sulcx mit recht nyet dorven versuecken

off verdedingen, soe coemt nu joncher Herman van Bronckhorst

heer toe Bathoburch ende heefft sulcke lieffnisse ende gewoente erfflicken

behalden ende voell hoeger besweeren willen, alsoe dat hij nu op

drie vierdell schaepen of quellick soe voell ende weinich beesten onder

enen man gehoeren hebben will twee golden rijders, twee hoenre,

enen snaphaen int gelach ende dairtoe vier reisen dienst van enen man

op een jair, van sommygen twee brabantsche gulden min een oirt ende

een out brabantz golden int gelach ende oick vier maell dienst opt jair,

sommyge op enen golden rijder ende sommige op enen brabantsche gulden /

Beste Geert,

hartelijk dank voor je snelle reactie.