Een start, verbeteringen en aanvullingen welkom!
Aelbrecht etcetera doen cond dat vor ons quam heer Aernd van der Dussen ende geliede dat hi vercoft
hadde den proer van den ghemeenen convente vanden Sartroisen biden Berghe eenen polie die men hiet
den quarten polie also alse hi ghelegen is vor die Donga ende hine van ons te houden plach ende met hem quam
sijn wijf die hi nu heeft met lachende monde ende met droghen oghen ende gaf over ende scout quite tot
tshoers ende des convents behoef vors. zulke duwerten(?) ende lijftocht alse zi hadde anden goede vorscreven.
Soe hebben wi dien coep gheconsenteert ende consenteren ende gheven den proer ende den convente vorscreven den
eyghendom vanden polie vorscreven tot ewigen daghen ende loven se daer in te bescermen ende te
starcken als wi sculdich zijn te doene na rechte ende costume van unsen lande. In oirconde etcetera.
Ghegeven in Den Hage up Sinte Jansdach decollatio anno anno LXXIIII.
Erik Hofmans
zei op maandag 26 augustus 2024 - 17:12