Wij, Wouter Note, rechter in den ambocht van Raemsdonc, Jan van Dalem Jans soen,
Cleis Scuut, Heyman Heymans soen, Ghereaet Staert Gheraets soen ende Jan Buys, he-
meraders in den selven ambocht vornoemt, maken cont allen luden dat her Jan Men-
glen, priester met sinen ghecoren voechde die hem metten recht ghegheven was op gaf
alsoe die heemraet wijsde dat recht was, met eenre vrijer ghiften den deken ende den
ghemeenen capittel tSinte Gheerdenberghe tot eenre nyewer cononum ponendi? behaf
die Ghijsbrecht Cante ghemaect heeft een stuck lands in Raemsdonc vorsz. gheleghen
op die Langhe Doncke ende hondt omtrent derdenhalven merghen vrijs lands ende leit
tusschen Wouter Gheyen lant oestwaert aen die ende side, ende tusschen Aernt Bon-
dena soens lant westwaert aen die ander side, ende het Jan Jan Menglen vornoemt met
sinen ghecoren voechde ghelaesdet te waren jaer ende dach na den zuythollantschen recht
ende al voer commer af te doen, ende want ic Wouter Note rechter ende wi heemraders
vorscreven ghenen ghemeenen seghel en hebben wi ghebeden Jan van Dalem vorsz.
dat hi dit beseghelen wille ende ic Jan van Dalem vornoemt om beden wille des rechters
ende der heemraders, mijnre medegesellen voorcreven, soe hebbe ic desen brief op hen ende op mi
selve beseghelt met minen seghel. In kennissen der waerheit ende int jaer ons Heeren dusent
drie hondert vier ende tneghentich opten lesten dach der maent van Augustus.
Heemraad Raamsdonk 31-08-1394
Beste mensen,
Graag jullie expertise hulp bij het vertalen van bijgevoegd pareltje uit 1394. Bij voorbaat hartelijk dank!
Met vriendelijke groeten,
Bas
Reacties (2)
Hartstikke bedankt Geert!!
mvg,
Bas
Bas
zei op vrijdag 5 februari 2021 - 21:02