Gielis Luenisen ende Gertken sijn huysfrouwe met haren momber ende
hebben gevest Jan van Dael ende Merijtken sijn huysfrouwe ende hueren
erven een stuck lants, groot omtrent eenen halven mergen
in vuegen ende maeten als haer denselven in scheydinge ende deylinge
te deel gevallen ende tot haeps ende de mortel onder desen gerichte
is gelegen metter eenre zijde beneven de voetpat, metter andere
zijde beneven Arnt Willems erff, schietende metten eenen
eynde op Peter Willems erff ende metten lesten eynde op de
gemeyne straet. Sij hebben den voorsz. halven mergen lants alsoe
opgedragen ende daerop vertegen etc. ende geloeft te vrijen ende uuytgeven
twee capuyn thijns eden ende ses vat rogh jaerlijcx aen Pieter Baecx
etc. Actum voer Thonis Jans Raymaecker ende Jasper Daniels, schepenen
den 6 mey 1625.
Eric vD
zei op maandag 13 juli 2020 - 18:41