Graag transcriptie akte 5-12-1517

Boeykens Keestl quam Dyrck, meester Aelbrech van der Meert des surgijns natuerlic z(one),
kende en(de) lijde dat hem wijlen Anthoni Seng en(de) Dingne Doppelmen,
Anthoni Zeng wedue, vol en(de) al betailt hebben de somme van hondert
R(ijns)g(ulden), tstuc tot XL [40] groo(te)n Vleems eens die hem bijden voirs. Anthoni Seng
te hylick gelooft waren met Sibilla, zijnre dochte(r), des voirs. Dyrcx
huysfrou en(de) dat hij, Dyrc, die te vollen betailt en(de) voldaen is van
alle alsulcke hylicxe vorwairden en(de) gelooften als hem de voirs. Anthoni
en(de) Dingne metter voirsz. Sibilla te hylick gelooft hadden, nyet dair
af uurgesceyden. Alsoo dat hij, Dyrc voirgen(oemt), hem bedanct heft ende
bedanct goeder voldoende uutrichtinge en(de) betalinge vanden hondert
R(ijns)g(ulden) voirs. en(de) van allen den hylicxen vorwairden en(de) gelooften voirs.,
scelden(de) dairaf quijt der voirs. Dingne en(de) heure ... allen ande(re)
des quitan(cie) toehoeren(de), sond(er) e(n)nich recht oft actie dairaf opter selver
Dingne oft op den erfgen(aemen) van Anthoni Seng voirs. te behouden. Actum
a(nn)o XVc XVII vijf daghe in dece(m)bri.