1. Hubrecht ende Jacop Vorselmans gebroederen gaven terve Aerd Snoye
2. 1 huys met hove gronde gestaen in Crayewijc tussen Jan Magers haapershe(?)
3. etc ende Jacops van Leefdale etc tjaers erflic om XI scellingen grooten prout ad
4. [terminos(?) ..... ...?] Dandum mediatim natalis ende mediatim Johannis midzomer. Te
5. wetene den vors Hubrechte ende zinen nacomelingen IIII scellingen grooten erflic daer af ende den
6. vors Jacoppe ende sinen nacomelingen VII scellingen grooten erflic daer af. Te waerne op XX
7. oude grooten erflic der capellanen tonser vrouwen ende inde borch. Item op
8. IIII scellingen vlemsen grooten sjaers erflic Janne Mager ende Fronen zinen wive ende op
9. II ouden scilde ten live van Symoens Symoens Waelen zone was ende
10. dadt mede onderpandt is over IIII ouden grooten erflic die de firmarie
11. op Clapdorp heeft op huyse daer achter opten Guldenberch gestaen . Ende daert de
12. vors Jan Mager ende sijn wijf ende haer nacomelingen aff ontlasten moeten na inhoud
13. van scepen brieve ende dese vors voircommer geloefde Aerd vors voer hem
14. ende voer sijn nacomelingen voirdane te gelden etc telken terminen etc sonder afcorten
15. vander vors XI scellingen grooten tjaers erflic. Condicione dat Aerd vors dese IIII scellingen grooten
16. erflic vander vors XI scellingen grooten erflic af zal moeten quiten van den kerssmisse lestleden binnen
17. IIII jaren daerna elken penninc daer af om XV penninghen der selver munten ende met
18. verschenender renten te wetene is elc vander vors gebroederen II scellingen grooten erflic
19. welken hi wille eerst twee scellingen erflic teenen male ende niet min. Ende
20. dander VII scellingen grooten erflic zal Aerd of sijn nacomelingen af mogen quiten thaere(?) moeten den
21. penninc om XV penninghen der selver munten ende met verschenender renten [nadane?] .... II scellingen grooten
22. erflic te male ende niet min maer meer op dat zij willen(?) voer dese afquitinge obligavit seipsum(?)
Guido Snoeys
zei op woensdag 19 oktober 2022 - 11:52