9 Septembrio 1545
Hans van Deventer ende Clara Boddaens, zijn wettighe huysvrouwe, ingesetenen
der stadt van Antwerpen, bekenden ende verlijden uut hueren vrijen eygene
wille. onbedwongen, omme een somme ghelts die hen al en wel is vergonden,
te wetene tweelfve ponden grooten vlaems, we ende wettelijck vercocht te hebben
Adriaenen Verbeke ende Katlijne Boddaens, sijne wettighe huysvrouwe, der voergenoemde
Clara suster, alle alsulcken paert, deelm recht ende actie van gereede ende andere
erfgoeden als der voersz. Clara Boddaens verstorven ende gebleven sijn bij doode
ende aflivicheyt van wijlen Emerentia Boddaens, oock suster was derselver
Claren ende Katelijnen, onder Roosendael gelegen, uutgenomen dat goet dat in
Vlaenderen gelegens es, daer Claes Boddaens, haerlieden broeder, leengoed
af heeft, die in desen coop nyet begrepen en sijn ende alsoe bekennende
aen de voersz. gereede ende andere erfgoeden (uutgenomen dat goet in Vlaenderen
gelegen) gheen recht off actie aene te hebbene, mer dat tselve competeert ende
toebehoort den voersz. Adriaenen Verbeke ende Katlijnen, sijnder huysvrouwen voersz.,
die daermede hueren vrijen wille als met huer eygen goet van nu voortaene
sullen moeghen doen t'allen tijden, welcke vercoopinghe ende al des voersz. es de
voersz. Hans en Clara sijn huysvrouwe geloeft hebben ende geloven bij desen
in handen mijns openbaer notaris tselve wettelijck stipulerende over goet, vast,
gestentich ende van weerden te houdene t'allen daghen, onder obligatie van
huer persoonen ende goeden, roerende etc., ende verthijsdenisse van alle exceptie
defensien ende behulpen etc. soude moeghen, besunder den rechte seggende etc.
versoeckenden ende begeerden die voersz. comparanten hen hieraf tot behoeve
des voern. Adriaens Verbeke ende Katlijnen Boddaers, zijnre huysvrouwen, van
mij notaris nagenoemt gemaect te worddene etc. Aldus gedaen ten huyse mijns
notaris ter presentien van Jacob Zuydackers ende Adriaen Hertogen, getuygen etc. ende
t'willen maken d'welck nochtans gheen leengoeden en zijn.
Elsa
zei op maandag 27 mei 2024 - 22:50